मुंबई : पंतप्रधान नरेंद्र मोदी आज ( शुक्रवारी दि.10 ) रोजी मरोळ, मुंबई येथे अल्जामिया-तुस-सैफियाह अरबी अकादमीच्या नवीन कॅम्पसचे उद्घाटन करणार आहेत. अल्जामिया-तुस-सैफियाह ही दाऊदी बोहराची प्रमुख शैक्षणिक संस्था आहे. आज संध्याकाळी मुंबईत येणार असून अल्जामिया-तुस-सैफियाह अरबी अकादमीच्या उद्घाटनात सामील होणार आहे. अल्जामिया-तुस-सैफियाह अरबी अकादमीच्या नवीन कॅम्पसचे पार पडणार आहे. मला खात्री आहे की हे कॅम्पस भविष्यात विद्यार्थ्यांसाठी शिक्षणाचे उत्तम वातावरण निर्माण करेल, असे ट्विट करत पंतप्रधान मोदींनी त्याबाबतची माहिती दिली.
रस्ते वाहतूक सुरळीत करण्याकडे लक्ष : मुंबई शहराच्या भेटीदरम्यान, पंतप्रधान मोदी मुंबईतील रस्ते वाहतूक सुरळीत करण्याकडे लक्ष देतील. सांताक्रूझ चेंबूर लिंक रोड (SCLR) ते कुर्लाचा यात समावेश आहे. कुर्ला ते वाकोला आणि एमटीएनएल जंक्शन ते नव्याने बांधलेला एलिव्हेटेड कॉरिडॉर, कुर्ला येथील बीकेसी ते एलबीएस फ्लायओव्हर शहरामध्ये अत्यंत आवश्यक असलेली पूर्व-पश्चिम कनेक्टिव्हिटी वाढत आहे. त्यात या रस्त्यांचा समावेश आहे. हे रस्ते वेस्टर्न एक्स्प्रेस हायवेला ईस्टर्न एक्स्प्रेस हायवेसोबत जोडतात. ज्यामुळे पूर्व आणि पश्चिम उपनगरे सक्षमपणे जोडली जातात.
वेस्टर्न एक्स्प्रेस हायवे :"कुर्ला अंडरपास वेस्टर्न एक्स्प्रेस हायवे (WEH) वरील वाहतूक सुलभ करण्यासाठी आणि मालाड आणि कुर्ला बाजूंना जोडण्यासाठी रस्ते दुरूस्तीसह अन्य कामे गरजेची आहेत. यामुळे लोकांना सहजतेने रस्ता ओलांडता येतो आणि वेस्टर्न एक्स्प्रेस हायवेवरील अवजड वाहतुकीमध्ये न जाता वाहने देखील जाऊ शकतात. पंतप्रधान मोदी छत्रपती शिवाजी महाराज टर्मिनस येथे दोन वंदे भारत ट्रेनचे लोकार्पण करतील.
वंदे भारत ट्रेन :मुंबई-सोलापूर वंदे भारत ट्रेन आणि मुंबई-साईनगर शिर्डी वंदे भारत ट्रेन या दोन ट्रेनना पंतप्रधान मोदींच्या हस्ते छत्रपती शिवाजी महाराज टर्मिनस, मुंबई येथे हिरवा झेंडा दाखवण्यात येणार आहे. पंतप्रधान मोदींच्या स्वप्नपूर्तीच्या दिशेने हे एक महत्त्वाचे पाऊल ठरेल. न्यू इंडियासाठी उत्तम, कार्यक्षम आणि प्रवासी-अनुकूल वाहतूक पायाभूत सुविधा निर्माण करणे हे लक्ष आहे. विशेष म्हणजे, मुंबई-सोलापूर वंदे भारत ट्रेन ही देशातील 9 वी ट्रेन असेल, जी सोलापूरमधील सिद्धेश्वर, अक्कलकोट, तुळजापूर, सोलापूरजवळील पंढरपूर आणि पुण्याजवळील आळंदी या महत्त्वाच्या तीर्थक्षेत्रांना प्रवास सुलभ करते. मुंबई-शिर्डी वंदे भारत ट्रेन, देशातील 10वी वंदे भारत ट्रेन असेल, जी नाशिक, त्र्यंबकेश्वर, साईनगर शिर्डी आणि शनि सिंगणापूर या महाराष्ट्रातील महत्त्वाच्या तीर्थक्षेत्रांशी कनेक्टिव्हिटी देखील सुधारेल.
हेही वाचा :Anurag Thakur Played Cricket : अनुराग ठाकूर यांची बर्फवृष्टीत फटकेबाजी, लगावले चौकार आणि षटकार!
