मुंबई - माटुंगा येथील आव्हान पालक संघ या दिव्यांग शाळेतील असामान्य मुलांनी अप्रतिम रॅम्प वॉक आणि नृत्य सादर केले. स्वयंसिद्धा महिला मंडळ आणि क्षात्रकुलोत्पन्न मराठा समाज मुंबई तर्फे श्रावण महोत्सव शिरोडकर सभागृहात आयोजित करण्यात आला होता. या कार्यक्रमात सामान्य महिलांसोबतच दिव्यांग महिलांना संधी देण्यात आली होती.
रॅम्प वॉक करत दिव्यांग्यानी जिंकली उपस्थितांची मने
दिव्यांग शाळेतील विद्यार्थ्यांनी सर्व धर्मातील देवी देवतांची वेशभूषा केली होती. कोणी गणपती, कोणी साईबाबाची वेशभूषा साकारली होती. त्यांचे नृत्य बघून सर्वांनी सभागृहात टाळ्यांचा गजरात विद्यार्थ्यांचे कौतुक केले. त्यांच्या कलागुणांना वाव मिळेल या हेतूने त्यांना सहभागी करून घेण्यात आले होते.