मुंबई- सायनच्या लोकमान्य टिळक रुग्णालयात उपचारासाठी आलेल्या एका रुग्णाच्या बहिणीवर पाचव्या मजल्यावरील जिन्यावरच लैंगिक अत्याचार झाल्याची संतापजनक घटना ११ मे (शनिवारी) उघडकीस आली. या प्रकरणी सायन पोलिसांनी बलात्काराचा गुन्हा दाखल करून धारावीत राहणार्‍या ३१ वर्षीय दीपक अण्णापा कुंचिकुर्व्हे या व्यक्तीला अटक केली. या घटनेमुळे रुग्णालयात उपचारासाठी दाखल असणार्‍या रुग्णांच्या महिला नातेवाईकांच्या सुरक्षिततेचा प्रश्न ऐरणीवर आला आहे.
लोकमान्य टिळक रुग्णालय सायन
पोलिसांनी दिलेली माहिती अशी, की पीडित महिला ही ३७ वर्षांची असून ती पुण्याजवळील एका खेड्यात राहणारी आहे. गरीब कुटुंबातील ही पीडित महिला तिच्या लहान बहिणीला घेऊन उपचारासाठी सायनच्या लोकमान्य टिळक रुग्णालयात काही दिवसांपूर्वीच आली होती. पीडित महिलेच्या बहिणीला मुत्राशयाचा त्रास असल्यामुळे तिच्यावर उपचार सुरू होते.