मुंबई - राज्यभरात कोरानाचे थैमान सुरू असताना राज्याचे मुख्यालय असलेल्या मंत्रालयात देखील कोरोनामुळे अनेकांचा मृत्यू झाला आहे. यामुळे, मंत्रालयातील कर्मचाऱ्यांच्या शंभर टक्के उपस्थितीवर पुनर्विचार करावा, अशी मागणी अधिकारी महासंघाच्यावतीने करण्यात आली आहे.
अधिकारी महासंघाची मंत्रालयातील कर्मचाऱ्यांच्या १०० टक्के उपस्थितीचा पुनर्विचार करण्याची मागणी
कोरोनाचा अटकाव करण्यासाठी सज्ज असलेल्या राज्याच्या प्रशासकीय मुख्यालयात म्हणजे मंत्रालयातच मागच्या साडे पाच महिन्यात तब्बल पंधरा मंत्रालयीन अधिकारी-कर्मचाऱ्यांनी कोरोनामुळे जीव गमावला आहे. राजपत्रित अधिकारी महासंघाचे गदि कुलथे यांनी हा दावा केला असून 100 टक्के उपस्थितीबाबत फेरविचार करण्याची मागणी राज्याच्या मुख्यमंत्र्यांकडे केली आहे.