मुंबई -राज्यात विधानसभा निवडणूक घोषीत होऊनही घाटकोपर पश्चिमच्या इच्छुक उमेदवारांनी 169 विधानसभा निवडणूक केंद्र वर्षानगर येथून एकही अर्ज घेऊन गेले नाही. इच्छुकांची पितृपक्ष संपल्यानंतर आणि घटस्थापना मुहूर्त पाहून अर्ज विक्री होण्याची शक्यता आहे.
मुंबई : घाटकोपर पश्चिम विधानसभा मतदारसंघासाठी एकही अर्ज विक्री नाही
राज्यात तसेच मुंबई शहर व उपनगरात शुक्रवारपासून प्रत्यक्ष निवडणुकीच्या कार्यक्रमाला सुरुवात झाली असून पूर्व उपनगरातील 6 विधानसभा मतदारसंघात निवडणुकीच्या प्रक्रियेला सुरुवात झाली आहे. विधानसभा निवडणूक 21 ऑक्‍टोबरला होणार आहे. तर उमेदवारी अर्जाची विक्री आणि अर्ज दाखल करून घेण्यास सुरुवात झाली आहे. 4 ऑक्‍टोबरपर्यंत उमेदवारांना अर्ज दाखल करता येणार आहेत.