मुंबई - आर्थिक राजधानीतील वाहतूक कोंडीवर पर्याय म्हणून मुंबई मेट्रो १ ने अत्यंत वाजवी दरात भाड्याने सायकल देण्याची सुविधा उपलब्ध करून दिली आहे. मात्र, पहिल्याच दिवशी जागृती नगर मेट्रो स्थानकातून सुरू झालेल्या 'मायबाईक' या सुविधेला प्रवाशांनी थंड प्रतिसाद दिला.
मुंबई मेट्रोच्या 'मायबाईक'ला प्रवाशांचा थंड प्रतिसाद
जागृती नगर मेट्रो स्थानकात 'मायबाईक' सायकल स्टँडचे एमएमआरडीएचे आयुक्त आर. ए. राजीव यांच्या हस्ते नुकतेच उद्घाटन करण्यात आले. २ रुपये प्रति तास या दरात ही सायकल सेवा प्रवाशांसाठी सुरू करण्यात आली आहे. या स्टँडवर ५० सायकल ठेवण्यात आल्या होत्या. त्यातील दोन ते तीनच सायकल भाड्याने गेल्याचे येथील कर्मचाऱ्यांनी सांगितले.