मुंबई- फनी चक्रीवादळाचा महाराष्ट्रवर कोणताही परिमाण होणार नाही, अशी माहिती प्रादेशिक हवामान विभाग, मुंबईचे केंद्रप्रमुख के. एस. होसालीकर यांनी दिली. फनी चक्रीवादळाच्या पार्श्वभूमीवर 'ई टीव्ही भारत'शी ते बोलत होते.
फनी चक्रीवादळाचा महाराष्ट्रावर परिमाण नाही
राज्यात सकाळी काही भागात ढगाळ वातावरण होते. परिणामी, राज्याच्या कमाल आणि किमान तापमानात किंचित अंशी घट नोंदवण्यात येत आहे. तापमान वाढले की अशा प्रकारचे बदल होत असतात. परंतु फनी चक्रीवादळाचा महाराष्ट्रवर कोणताही परिमाण होणार नाही, असे होसालीकर म्हणाले.
महाराष्ट्रात पावसाचे सध्या तरी चिन्ह दिसत नाही. राज्यात उष्णतेत वाढ झाली होती. मराठवाडा, विदर्भात ४५ ते ४७ सेल्सिअस नोंद एप्रिलच्या शेवटच्या आठवड्यात होती. सध्या तापमानात वाढ कायम राहणार आहे. राज्यातील पावसासंदर्भात येत्या काही दिवसात परिस्थिती स्पष्ट होईल असेही त्यांनी सांगितले.