मुंबई - कांदिवली येथे बोगस लसीकरण झाल्याचा प्रकार उघड झाला होता. बोगस लसीकरणाचे प्रकार मुंबईत अनेक ठिकाणी झाल्याचे समोर आल्याने त्याला आळा घालण्यासाठी मुंबई महापालिकेने नवी नियमावली बनवली आहे. खासगी सोसायटींना आणि आस्थापनांना नोंदणीकृत लसीकरण केंद्राकडून लसीकरण करावे लागणार आहे. त्याची नोंद केंद्र सरकारच्या कोविन ऍपवर करावी. असे निर्देश महापालिका प्रशासनाने दिले आहेत. तसे परिपत्रक पालिका आयुक्त इकबाल सिंग चहल यांनी काढले आहे. तसेच अशा लसीकरण केंद्रांवर पालिकेच्या आरोग्य अधिकाऱ्यांनी भेट देऊन तपासणी करण्याचे आदेश पालिका आयुक्तांनी दिले आहेत.
नोडल अधिकाऱ्याची नियुक्ती -
मुंबईतील कांदिवली येथील हिरानंदानी सोसायटीतील 390 लोकांचे बोगस लसीकरण झाले होते. असाच प्रकार इतर ठिकाणी झाला असून 2 हजारहून अधिक नागरिकांचे बोगस लसीकरण झाल्याचे समोर आले आहे. याची दखल उच्च न्यायालयाने घेतली आहे. त्यानंतर पालिकेने बोगस लसीकरणाचे प्रकार पुन्हा होऊ नये यासाठी खासगी सोसायटी आणि आस्थापनांना पालिका व केंद्र सरकारकडे नोंद असलेल्या खासगी लसीकरण केंद्राकडूनच लसीकरण करून घ्यावे. लसीकरण करण्याआधी संबंधित केंद्र नोंदणीकृत आहे. अशी माहिती खासगी आस्थापनांमधील व्यवस्थापनाला तसेच सोसायटीतील सेक्रेटरींना पालिकेला द्यावी लागणार आहे. सोसायटीच्या सेक्रेटरी आणि खासगी आस्थापनांना नोडल अधिकाऱ्याची नियुक्ती करावी लागणार आहे. नियुक्त करण्यात आलेल्या नोडल अधिकाऱ्याला लसीकरण करण्यासाठी लागणारे मनुष्य बळ तसेच आयटी सेवा उपलब्ध करून द्यावी लागणार आहे. असे परिपत्रकात म्हटले आहे.
नोडल अधिकाऱ्याला अशी करावी लागणार कार्यवाही -