मुंबई- एक्झिट पोलच्या दाव्यानुसार एनडीए सरकारच पुन्हा सत्तेवर येणार, असा विश्वास उत्तर पश्चिम लोकसभा मतदारसंघाचे शिवसेना उमेदवार गजानन किर्तीकर यांनी व्यक्त केला आहे. त्यांनी ईटीव्ही भारतशी बोलताना हा विश्वास व्यक्त केला.
यावेळी किर्तीकर म्हणाले, की लोकसभा निवडणुकीत विधानसभा निहाय झालेले मतदान महत्वाचे ठरते. येथील 6 विधानसभा मतदारसंघात शिवसेना-भाजपचे आमदार आहेत. त्यामुळे या विधानसभा मतदारसंघातून शिवसेनेला भरघोस मतदान झाले, असल्याचे किर्तीकर यांनी सांगितले.
एक्झिट पोलमध्ये मुंबईत युतीच्या 3 जागा दाखवण्यात आल्या आहेत. मात्र, प्रत्यक्षात 6 जागांवर युतीचे उमेदवार विजयी होतील, असा विश्वासदेखील किर्तीकर यांनी व्यक्त केला.