मुंबई- रमजान ईद सोमवारी साजरा होणार आहे. ईदची सामूहिक नमाज सोशल डिस्टनसिंग पाळून अदा करू द्यावी, अशी मागणी मुस्लीम बांधवांकडून होत होती. मात्र, ईदची नमाज घरातच अदा करावी, असे आवाहन अल्पसंख्यांक मंत्री नवाब मलिक यांनी केले आहे.
कोरोनाचा प्रादुर्भाव टाळण्यासाठी देशभरात लागू केलेल्या टाळेबंदीत मुस्लीम बांधवानी सहकार्य करून आतापर्यंत घरातच नमाज अदा केली आहे. रमजान ईदचा सण ही मुस्लीम बांधवानी आनंदाने साजरा करावा. तसेच घरातच नमाज अदा करून कोरोनाचा संक्रमण रोखण्याच्या लढाईत सामील व्हावे असे ट्विट मलिक यांनी केले आहे.