मुंबई :एमएचबी कॉलनी पोलिसांनी मोठी कामगिरी करत मीरा रोडच्या परिसरातून जुगार खेळणाऱ्या चोरट्याला अटक केली आहे. बोरिवली पश्चिम भागातील रिव्हर व्हॅली रोड येथून आरोपींनी ऑटो रिक्षा चोरली होती. याप्रकरणी ऑटो रिक्षाचालक दुर्गेश यादव (वय ३३) यांनी एमएचबी कॉलनी पोलिस ठाण्यात फिर्याद दिली होती. या तक्रारीच्या आधारे एमएचबी कॉलनी पोलिस ठाण्यात गुन्हा दाखल करण्यात आला आहे. या प्रकरणाचा तपास केल्यानंतर एमएचबी कॉलनी पोलिसांनी आरोपीला मीरा रोड येथून अटक केली. नवी आलम उस्मान खान (वय ३०) असे आरोपीचे नाव असून तो गुजरातमधील सुरतचा रहिवासी आहे.
रिक्षा चोरीला : या गुन्ह्याची थोडक्यात हकीकत अशी की, 12 जून रोजी फिर्यादी दुर्गेश यादव (वय 33) यांनी रात्री 8 च्या सुमारास बोरिवली पश्चिम येथील रिव्हर व्हॅली रोडवर आपली रिक्षा क्रमांक : MH MH 47 X 9162 पार्क केली होती. नंतर, 13 जून रोजी, यादव यांना रिक्षा पार्क केलेल्या ठिकाणी दिसली नाही. यावरुन यादव यांनी एमएचबी कॉलनी पोलीस ठाणे गाठून तक्रार दिली होती.
रिक्षा सीसीटीव्हीमध्ये कैद : फिर्यादीने दिलेल्या तक्रारीच्या आधारे एमएचबी कॉलनी पोलिस ठाण्यात कलम ३७९ अन्वये गुन्हा दाखल करण्यात आला. या गुन्ह्याच्या तपासादरम्यान सहायक पोलीस निरीक्षक सूर्यकांत पवारसह त्यांच्या पथकाने सीसीटीव्ही फुटेज तपासले. त्यावेळी, वेस्टर्न एक्स्प्रेस हायवे मार्ग, चेंबूर येथे मनी ट्रान्सफरच्या दुकानासमोर बेपत्ता झालेली रिक्षा पोलिसांना सापडली. पोलिसांनी पैसे ट्रान्सफर करणाऱ्या दुकानदाराकडे चौकशी केली असता आरोपी दुकानातील सीसीटीव्हीमध्ये कैद झाला.
आरोपीवर विविध गुन्हे दाखल : 10 जुलै रोजी आरोपी काशीगाव, मीरा रोड येथे आले असता, पोलिसांनी ताब्यात घेऊन अटक केली. त्यावेळी आरोपींकडे चोरीची होंडा शाईन कार सापडली. आरोपी नवी खान यांच्या विरुद्ध कस्तुरबा मार्ग पोलिस स्टेशन, गोरेगाव पोलिस स्टेशन, चेंबूर पोलिस स्टेशन, बोरीवली पोलिस स्टेशनमध्ये 3 आणि मीरा रोड पोलिस ठाण्यात प्रत्येकी एक गुन्हा दाखल आहे.
हेही वाचा -Pune Crime News: अनोळखी व्यक्तीला मदत करताय...तर सावधान! आजारपणाचे ढोंग करून 18 मुलींचा विनयभंग, आरोपीला अटक
