'नारायण राणे "कोंबडी चोर"', मुख्यमंत्र्यांवरील टीकेनंतर शिवसैनिक संतप्त

नारायण राणे यांनी मुख्यमंत्री उद्धव ठाकरे यांच्याबद्दल खालच्या थराला जाऊन टीका केली आहे. यामुळे आता शिवसैनिक संतप्त झाले आहेत. मुंबईत "कोंबडी चोर!!!" असे लिहून राणेंचे बॅनर लावण्यात आले आहेत.

मुंबई -केंद्रीय मंत्री नारायण राणे यांनी मुख्यमंत्री उद्धव ठाकरे यांच्याबद्दल आक्षेपार्ह वक्तव्य केले आहे. यामळे आता शिवसैनिक संतप्त झाले आहेत. दादर टीटी भागात स्थानिक नगरसेवक अमेय घोले यांनी नारायण राणे यांचे मोठे बॅनर लावले आहेत. त्यावर "कोंबडी चोर!!!" असे राणेंना झोंबणारे शब्द लिहिले आहेत. दरम्यान, आता मुंबईसह राज्यभरात राणेंविरोधात वातावरण तणावपूर्ण पाहायला मिळत आहे. याचे पडसाद आणखी तीव्र उमटण्याचीही शक्यता नाकारता येत नाही.

'नारायण राणे "कोंबडी चोर"', शिवसैनिक संतप्त

राणेंवर गुन्हा दाखल

मुख्यमंत्री उद्धव ठाकरे यांच्यावर राणे यांनी टीका केली. याप्रकरणी नाशिकच्या सायबर पोलिसांनी शिवसेना महानगर प्रमुख सुधाकर बडगुजर यांच्या तक्रारीहून गुन्हा दाखल केला. तसेच, औरंगाबाद, रायगडमध्येही राणेंविरोधात गुन्हा दाखल झाला आहे.

नक्की काय म्हणाले राणे?

'देशाच्या स्वातंत्र्याला किती वर्षे झाली हे मुख्यमंत्री उद्धव ठाकरेंना माहिती नाही. कुणाला तरी विचारतात हिरक महोत्सव आहे काय? मी असतो तर कानाखाली चढवली असती. देशाच्या स्वातंत्र्यदिनाची माहिती नसावी? किती चीड आणणारी गोष्ट आहे. बाजुला एखादा सेक्रेटरी ठेव आणी बोल म्हणावं. सरकार कोण चालवतंय ते कळतच नाही. ड्रायवरच नाही', असे भाजपचे केंद्रीय मंत्री नारायण राणे यांनी म्हटले आहे. पाहा व्हिडिओ

हेही वाचा -सिद्धी नाईकची आत्महत्या प्रेमप्रकरणातून; पोलीस तपासात समोर