Sheena Bora Murder Case : शिना बोरा हत्या प्रकरणात आणखी एका आयपीएस अधिकाऱ्याचे नाव

शिना बोरा हत्या प्रकरणात (Sheena Bora Murder Case) शीना बेपत्ता झाल्या ची तक्रार दाखल करु नका असे वरिष्ठ आयपीएस अधिकारी देवेन भारती यांनी (Name of another IPS officer) पीटर आणि इंद्राणी मुखर्जी (Peter and Indrani Mukherjee) यांना सांगितल्याचा धक्कादायक खुलासा शिना बोराचा प्रियकर राहुल मुखर्जीने (Rahul Mukherjee) आज कोर्टासमोर केला आहे. राहुल आणि पीटर यांच्या फोन संभाषणाचे रेकॉर्डिंगही त्याने कोर्टासमोर सादर केले त्यावेळी हा खुलासा झाला आहे.

मुंबई:शीना बोरा हत्याकांड प्रकरणातील प्रमुख साक्षीदार राहुल मुखर्जीची (Rahul Mukherjee) आज सत्र न्यायालयात (Sessions Court) साक्ष नोंदविण्यात आली. गेल्यावेळी झालेल्या साक्षी दरम्यान राहुलने राणी मुखर्जी आणि माजी मुंबई पोलीस आयुक्त परमवीर सिंग यांच्या संदर्भात वक्तव्य केले होते आज झालेल्या सुनावणीच्यावेळी त्याने पुन्हा एकदा मुंबई पोलीस दलातील वरिष्ठ आयपीएस अधिकार्‍याचे नाव घेतले आहे. राहुल याने पीटर आणि इंद्राणीला फोन केला होता. त्या वेळी दोघांनी सांगितले की शीना गायब झाल्यानंतर तत्काळ सह पोलिस आयुक्त देवेन भारती यांना भेटलो. तुम्ही मिसिंग कम्पलेंट दाखल करु नका आम्ही तिचा मोबाईल ट्रेस करतोय असे देवेन भारती बोलले होते. असे म्हणले आहे.

शीनाचा मोबाईल ट्रेस करण्यात आला त्यावेळी तिचे लोकेशन मुंबई एअरपोर्ट दाखवण्यात येत होते. त्यावेळी शीना निशांत खुराणा नावाच्या व्यक्ती सोबत फोनवर बोलत असल्याचे राहुलला त्याचे वडील पीटर यांनी सांगितले होते. त्यावेळी राहुलने म्हटलेकी शीनाचा या नावाचा कुठलाही मित्र नाही आहे. तिने मला कधिही या नावाचा मित्र असल्याचे सांगितले नाही. त्यावेळी मी निशांत खुराणा चा नंबर मागितला त्यावेळी मला सांगण्यात आले की या प्रकरणाचा तपास करणाऱ्या अधिकाऱ्यांनी आपल्याला ही माहिती दिली आहे. त्यामुळे त्यांच्या तपासात कुठल्याही बाधा येईल किंवा त्यांना त्रास होईल असे आपण काही करू नये असे सांगण्यात आले आहे.



सीबीआय संचालकांना लिहिलेल्या पत्रात इंद्राणीने म्हटले आहे की, नुकतीच मी तुरुंगात एका महिलेला भेटले जिने सांगितले की ती काश्मीरमध्ये मी शीना बोराला भेटली होती. इंद्राणीने सीबीआय संचालकांना शीनाचा काश्मीरमध्ये शोध घ्यावा अशी मागणी केली आहे. इंद्राणी शीना बोरा हत्याकांडातील मुख्य आरोपी आहे ती 2015 पासून मुंबईच्या भायखळा कारागृहात बंद होती. एम्सच्या फॉरेन्सिक विभागाने तयार केलेल्या या अहवालानुसार 2015 साली तपासादरम्यान सापडलेला सापळा हा शीना बोराचाच असल्याचे स्पष्टपणे नमूद करण्यात आले आहे.

सीबीआयच्या चार्जशीटसोबत जोडलेला वैद्यकीय चाचणी अहवाल हा सापडलेल्या सापळ्याच्या वेगवेगळ्या चाचण्या केल्यानंतरच तयार करण्यात आला आहे. उंची, वय, लिंग या सर्व बाबीत तो सापळा शीनाचाच असल्याचे स्पष्ट करणात आले होते. 23 वर्षीय शीना बोराची गळा आवळून हत्या करण्यात आली होती, असेही अहवालात नमूद केले आहे. वेगवेगळ्या फॉरेन्सिक तज्ज्ञांचे मत, प्रत्यक्षदर्शींनी दिलेली माहिती, आरोपीचा कबुली जबाब, इतर पुरावे या सगळ्यांच्या आधारे शीना बोराची हत्या झाल्याचे सीबीआयने स्पष्ट केले होते.



इंद्राणी मुखर्जीने तीन लग्न केली आहेत. ज्यात तिला पहिल्या पतीपासून मुलगी झाली. तिचे नाव शीना बोरा होते. इंद्राणीचा तिसरा नवरा पीटर आणि इंद्राणीचा मुलगा राहुल आणि शीनाचे अफेअर होते असे सांगितले जाते. इंद्राणी आणि पीटर हे दोघेही यामुळे अस्वस्थ होते. एप्रिल 2012 मध्ये नवी मुंबईजवळील जंगलात 24 वर्षीय शीनाची कारमध्ये गळा आवळून हत्या करण्यात आली होती आणि शेजारच्या रायगड जिल्ह्यात मृतदेहाची विल्हेवाट लावण्यात आली होती.

2015 मध्ये ही हत्या उघडकीस आल्यानंतर इंद्राणीशिवाय तिचा ड्रायव्हर श्यामवर राय आणि संजीव खन्ना यांनाही मुंबई पोलिसांनी अटक केली होती. इंद्राणीचा पती पीटर यालाही नंतर या प्रकरणात आरोपी बनवून अटक करण्यात आली होती. तपासानुसार शीनाच्या राहुलसोबतच्या संबंधांना इंद्राणीचा विरोध होता. याशिवाय आर्थिक वाद हा हत्येमागील एक कारण होते. त्यानंतर या प्रकरणाचा तपास सीबीआयकडे सोपवण्यात आला होता.