Summer Special Trains : मुंबई-थिवि,मुंबई-मनमाड उन्हाळी विशेष गाड्यांना मुदतवाढ

कोरोनाचा प्रादुर्भाव कमी झाल्याने (Decreased incidence of corona) राज्यातील निर्बंध हटविण्यात आले आहेत. त्यामुळे उन्हाळ्याच्या सुट्ट्या साजऱ्या करण्यासाठी आणि लग्न सराईचा सीजन असल्यामुळे बाहेर गावी जाणाऱ्यांची संख्या जास्त आहे. त्यामुळे मध्य रेल्वेने लोकमान्य टिळक टर्मिनस आणि थिवि (Mumbai-Thivi) तसेच मुंबई आणि मनमाड (Mumbai - Manmad) दरम्यान उन्हाळी विशेष गाड्या (Summer Special Trains) चालवण्याचा निर्णय घेतला आहे.

मुंबई: सर्व उन्हाळी विशेष गाड्यांच्या वाढीव फेऱ्यांसाठी विशेष शुल्कासह बुकिंग सुरू झाले आहे. सर्व संगणकीकृत आरक्षण केंद्रांवर आणि आयआरसीटीसीच्या संकेतस्थळावरून बुकिंग करता येणार आहे. प्रवाशांनी स्वत:च्या आणि इतरांच्या सुरक्षिततेसाठी कोरोना नियमांचे पालन करण्याचे आवाहन रेल्वेने केले आहे.

मुंबई- थिवि उन्हाळी विशेष (२० फेऱ्या) :01045 लोकमान्य टिळक टर्मिनस - थिवि उन्हाळी विशेष ट्रेनला ६ मे २०२२ ते २४ मे २०२२ (१० फे-या) पर्यंत एक दिवसाआड चालविण्याकरीता मुदतवाढ देण्यात आली आहे. 01046 थिवि - लोकमान्य टिळक टर्मिनस उन्हाळी विशेष ट्रेनला ७ मे २०२२ ते २५ मे २०२२ (१० फे-या) पर्यंत एक दिवसाआड चालविण्याकरीता मुदतवाढ देण्यात आली आहे.

मुंबई - मनमाड उन्हाळी विशेष (९२ फेऱ्या) :02101 छत्रपती शिवाजी महाराज टर्मिनस, मुंबई - मनमाड दैनिक विशेष ट्रेनला दि. १६ मे २०२२ ते ३० जून २०२२ (४६ फेऱ्या) पर्यंत चालविण्यासाठी मुदतवाढ देण्यात आली आहे. 02102 मनमाड- छत्रपती शिवाजी महाराज टर्मिनस, मुंबई दैनिक विशेष ट्रेनला १६ मे २०२२ ते ३० जून २०२२ (४६ फेऱ्या) पर्यंत चालविण्यासाठी मुदतवाढ देण्यात आली आहे.



हेही वाचा : Work of a Tunnel in Mumbai : कोस्टल रोडचा दुसऱ्या बोगद्याचे काम डिसेंबर 2023 पर्यंत पूर्ण करू- आदित्य ठाकरे