मुंबई :आरबीआयने ऑक्टोबर 2022 मध्ये आरबीय संदर्भात घोषणा केली होती. त्याचा वापर करण्यासाठी प्रायोगिक स्वरूपात डिजिटल करन्सी म्हणून ई रुपी नावाचे चलन बाजारात आणणार होते. आता ते प्रत्यक्ष आरबीआयने व्यवहारांमध्ये उतरवलेले आहे. जनतेमध्ये क्रेज होण्यापूर्वी चाचणी करण्यासाठी प्रायोगिक तत्त्वावर आरबीआयसमोर असलेल्या बच्चेलाल सहानी या फळ विक्रेता दुकानदाराला सर्वप्रथम या डिजिटल करन्सीचा वापर करण्याचा परवाना दिला.
डिजिटल रुपी पेमेंटचे माध्यम : आरबीआयने जारी केलेल्या माहितीनुसार डिजिटल रुपी हे पेमेंटचे माध्यम आहे. जे भारतातील सर्व नागरिक नोकरदार व्यवसायिक या सगळ्यांसाठी ते वापरता येईल. आणि त्यासाठी कायदेशीर निविदा आरबीआयच्यावतीने जारी केली जाईल. आणि याची किंमत ही लीगल टेंडर नोट यांच्या समकक्ष असेल. देशांमध्ये आरबीआयकडून डिजिटल करन्सी आल्यानंतर जनतेला पैशात व्यवहार करण्याची गरज भासणार नाही. असा शासनाचा दावा आहे. अर्थात नोटबंदी वेळीदेखील असा दावा करण्यात आला होता.
युटीएस ॲप :युटीएस ॲप रेल्वे प्रवासी वापरतात. त्यामध्ये एक सोय आहे. ज्याला आर वॉलेट असे नाव आहे. त्यामध्ये आपण आपल्या बँकेच्या बचत खात्यामधून यूटीएस ॲपमधील आर वॉलेटमध्ये काही एक रक्कम ठेवू शकतो. तिच्यामुळे आपल्याला 5 ते 10 किंवा 100 रुपये कितीही रुपयाचे तिकीट खरेदी करायचे असेल तर आपण त्यातून ते खरेदी करू शकतो. देशभरामध्ये हे सर्व जनतेने वापरण्याआधी प्रायोगिक स्वरूपात मुंबईतील आरबीआयच्या मुख्यालयाच्या खेटून असलेल्या एका फळविक्रेताला याचा आधी परवाना दिला. 1992 पासून ते मुंबईमध्ये आहेत. मूळचे बिहार येथील आहे आणि गेले 27 वर्ष आरबीआयच्या गेट समोर ते फळ विक्रीचा व्यवसाय करतात. जनतेला ई डिजिटल करन्सी वापरायला सोपी होण्यासाठी त्यांनी माझी निवड केली. मी या ई डिजिटल करन्सीद्वारे आता व्यवहार करीत आहे. हे सोपं आहे. त्यामुळे जनतेने देखील याचा वापर करावा." असे त्यांनी सांगितले.