मुंबई - भाजप सरकार विरोधात ईशान्य मुंबई जिल्हा काँग्रेस पक्षाच्यावतीने विक्रोळी रेल्वे स्थानकाच्या बाहेर निदर्शने करण्यात आली. देशात उद्भवलेली आर्थिक मंदी, वाढती बेरोजगारी, भाववाढ, बँकांची ढासळत चाललेली आर्थिक स्थिती आणि देशातील शेतकऱ्यांची गंभीर परिस्थिती याला भाजप सरकार जबाबदार आहे, असा आरोप काँग्रेसच्या पदाधिकाऱ्यांनी केला आहे.
भाजप सरकार विरोधात काँग्रेसचे धरणे आंदोलन
देशातील सध्याची बेरोजगारी, आर्थिक मंदी आणि पीएमसी बँक घोटाळ्याप्रकरणी काँग्रेसने देशभर भाजप सरकारच्या विरोधात निर्दशने केले. याचाच भाग म्हणून ईशान्य मुंबई काँग्रेसचे अध्यक्ष प्रणिल नायर यांच्या नेतृत्वाखाली गुरूवारी विक्रोळी रेल्वे स्थानकाच्या बाहेर धरणे आंदोलन करण्यात आले.