मुंबई Sanjay Raut Video Post : ठाकरे गटाचे खासदार संजय राऊत यांनी रविवारी माध्यमांशी संवाद साधताना पंतप्रधान नरेंद्र मोदी (PM Narendra Modi) आणि भाजपावर टीका केली होती. तसेच 'एक्स'वरुन एक व्हिडिओ पोस्ट करत, मुख्यमंत्री एकनाथ शिंदे (CM Eknath Shinde) आणि त्यांच्यासोबत गेलेले आमदार यांच्यावर टीका केली. हा व्हिडिओ जुना आहे. मात्र, संजय राऊतांनी तो आज 'एक्स'वरुन पोस्ट (Sanjay Raut Tweet) केलाय. या व्हिडिओत मुख्यमंत्री एकनाथ शिंदे तसेच आमदार आदित्य ठाकरे (Aaditya Thackeray) हे दिसत आहेत. या व्हिडिओत जे गद्दार आहेत किंवा जे गद्दारी करतात, त्यांच्यावर महंतांनी शरसंधान साधले आहे. त्यामुळं हा व्हिडिओ मुख्यमंत्री एकनाथ शिंदेंना लागू होतो, असा रोख राऊतांचा या पोस्टमधून दिसत आहे.
स्वामीजी का इशारा किसके तरफ हैं? : ठाकरे गटाचे खासदार संजय राऊत यांनी 'एक्स'वरुन व्हिडिओ पोस्ट करताना, त्यांचे अंगुलीनिर्देश हे मुख्यमंत्री एकनाथ शिंदे यांच्याकडे आहेत. व्हिडिओ पोस्ट करत, 'स्वामीजी का इशारा किसके तरफ हैं? ध्यानसे देखो और समझो', असं कॅप्शन देखील राऊतांनी दिलंय. 'आज किसी भी देश मे देखो मुसलमान गद्दार नही है. मुसलमान मुसलमानसे गद्दारी नही करता है, दुसरे धर्म मे भी देखो किसी दूसरा धर्म भी गद्दार नही है, लेकिन हिंदू धर्म में हिंदूही सबसे गद्दार है', असं या महंतांनी म्हटल्यानंतर, मुख्यमंत्री एकनाथ शिंदेंनी दुर्भाग्य आहे, असं बारीक आवाजात म्हटलं होतं.