Mumbai Corona Update : मुंबईत सलग दुसऱ्या दिवशी ७०० पेक्षा जास्त रुग्णांची नोंद

मुंबईत कोरोना चा प्रसार (spread of corona) वाढत आहे. बुधवारी १ जूनला ७३९ रुग्णांची नोंद झाली होती. गुरुवारी त्यात किंचित घट होऊन ७०४ नव्या रुग्णांची नोंद झाली आहे. येथे सलग दुसऱ्या दिवशी (for second day ) 700 पेक्षा जास्त रुग्ण (More than 700 patients registered) नोंदवल्या गेल्यामुळे चिंता वाढली आहे.

मुंबई:मुंबईत सध्या रुग्ण बरे होण्याचा दर ९८ टक्के असून ३३२४ सक्रिय रुग्ण ( Active Corona Patients ) आहेत. रुग्णसंख्या वाढल्याने मुंबईकरांच्या चिंतेत वाढ झाली आहे. गुरवारी ७०४ नवे रुग्ण नोंदवल्या गेले आहेत. तर १ मृत्यूची नोंद झाली आहे. ३४९ रुग्णांना डिस्चार्ज देण्यात आला आहे. आतापर्यंत एकूण १० लाख ६७ हजार २४५ रुग्णांची नोंद झाली आहे. त्यापैकी १० लाख ४४ हजार ३५४ रुग्ण बरे झाले आहेत. तर १९ हजार ५६७ रुग्णांचा मृत्यू झाला आहे.

रुग्ण बरे होण्याचे प्रमाण ९८ टक्के तर रुग्ण दुपटीचा कालावधी १७६५ दिवस इतका आहे. गेल्या आठवडाभरातातील कोरोना वाढीचा दर ०.०३९ टक्के इतका आहे. मुंबईत आज नोंद झालेल्या ७०४ रुग्णांपैकी ६७१ म्हणजेच ९५ टक्के रुग्ण लक्षणे नसलेले आहेत. मुंबईत रुग्णालयांमध्ये २४ हजार ४७३ बेड्स असून त्यापैकी ११४ बेडवर रुग्ण आहेत. मुंबईत ९९ टक्क्याहुन अधिक बेड रिक्त आहेत.

कोरोनाच्या पहिल्या लाटे दरम्यान २ हजार ८०० तर दुसऱ्या लाटेदरम्यान ११ हजार ५०० सर्वाधिक रुग्णांची नोंद झाली होती. तिसऱ्या लाटेत ६ ते ८ जानेवारीदरम्यान सलग तीन दिवस २० हजाराच्यावर रुग्णांची नोंद झाली. त्यानंतर रुग्णसंख्येत घट झाली. मार्च एप्रिल महिन्यात रुग्णसंख्या ५० च्या खाली आली होती. मे महिन्यात रुग्णसंख्या पुन्हा १०० च्या वर गेली आहे. यात ३१ मे ला ५०६, १ जून ला ७३९, २ जून ला ७०४ रुग्णांची नोंद झाली आहे.

हेही वाचा :Ready For Pre Monsoon Work : राज्य रस्ते विकास महामंडळ सतर्क; पावसाळ्यात 24 तास ऑन ड्युटी