मुंबई - सुधारित नागरिकत्व कायदा आणि राष्ट्रीय नागरिक नोंदणी विरोधातील लोकांचा रोष कायम असताना मंगळवारी केंद्रीय मंत्रिमंडळाने राष्ट्रीय लोकसंख्या सूची अद्ययावत करण्याचा निर्णय घेतला. काही राज्यांनी 'सीएए' आणि 'एनआरसी' सोबत यालाही विरोध केला आहे. मात्र, महाराष्ट्र नवनिर्माण सेनेकडून एनपीआरमुळे व्यक्तीच्या आई-वडिलांचे जन्मस्थान समजणार असल्याचे सांगण्यात आले आहे. याबाबत मनसे प्रवक्ते अनिल शिदोरेंनी ट्विट केले आहे.
'एनपीआर' सांगेल, मराठी मुला-मुलींचा रोजगार हिरावतंय कोण? - मनसे प्रवक्ते अनिल शिदोरे
महाराष्ट्र नवनिर्माण सेनेकडून एनपीआरमुळे व्यक्तीच्या आई-वडिलांचे जन्मस्थान समजणार असल्याचे सांगण्यात आले आहे. याबाबत मनसे प्रवक्ते अनिल शिदोरेंनी ट्विट केले आहे.
!['एनपीआर' सांगेल, मराठी मुला-मुलींचा रोजगार हिरावतंय कोण? मनसे](https://etvbharatimages.akamaized.net/etvbharat/prod-images/768-512-5490110-223-5490110-1577273116832.jpg)
मनसे
'राष्ट्रीय लोकसंख्या नोंदणी पुस्तक (एनपीआर) मध्ये एक महत्त्वाची गोष्ट नोंदवली जाणार आहे. ती म्हणजे "आई-वडिलांचे जन्मस्थान". ह्यामुळे महाराष्ट्रात येऊन इथल्या मराठी मुला-मुलींचा हक्काचा रोजगार कोण हिरावून घेत आहे, हे समजेल. फक्त ती माहिती सर्वांना उपलब्ध हवी, असे ट्विट शिदोरे यांनी केले आहे.