मुंबई- मुंगेरीलाल के सपने सर्वांना माहित आहे, त्याच प्रकारे आता मुनगंटीवार यांना सत्तेची स्वप्न पडत आहेत. मात्र, त्यांची स्वप्न काही खरी होणारी नाहीत. आम्ही लवकरच मुनगंटीवार के सपने असे पुस्तक प्रकाशित करू, असे म्हणत अनेकदा पक्ष फोडीचा प्रयत्न करून सरकार अस्थिर करण्याची भाजपची परंपरा आहे, असा टोला जलसंपदा मंत्री जयंत पाटील यांनी यावेळी लगावला. ते विधानभवन परिसरात पत्रकारांशी संवाद साधत होते.
बोलताना जलसंपदा मंत्री जयंत पाटील
सरकार पडेल आणि आम्ही पुन्हा सत्तेवर येऊ, असे भाजपचे मुंगेरीलाल के हसीन सपने आहेत. भाजपचेच आमदार आता आमच्या संपर्कात आहेत. त्यामुळे सरकार कोणत्याही स्तिथीत पडणार नसल्याचा विश्वास मंत्री जयंत पाटील यांनी व्यक्त केला आहे.