सर्वसामान्यांचे स्वतःच्या घराचे स्वप्न होणार पूर्ण; दसऱ्याला म्हाडाची नऊ हजार घरांची सोडत

म्हाडाच्या मुंबई मंडळाचे प्रमाणे कोकण मंडळाची सोडत ही रखडली होती. कोरोनाचा प्रभाव पडला होता गेली दोन वर्षे लॉटरी येईल, अशी आशा नागरिकांना होती. कोकण मंडळाची सोडतही गेल्या तीन वर्षांपासून रखडली होती.

मुंबई -सर्वसामान्यांना परवडणारी घरे देण्यासाठी म्हाडाची ओळख आहे. मात्र, गेल्या दोन वर्षांपासून मुंबईतील म्हाडाच्या घरांची एक देखील लॉटरी निघाली नाही. तर आता ज्यांना स्वतःचे घर घ्यायचा आहे त्यांच्यासाठी एक खुशखबर आहे. मुंबईजवळ परवडणाऱ्या किमतीत हक्काचे घर घेण्याची संधी मुंबई-ठाणेकरांना मिळणार आहे. म्हाडाच्या कोकण मंडळाने दसऱ्याच्या मुहूर्तावर सुमारे नऊ हजार घरांसाठी सोडत काढण्याचा निर्णय घेतला आहे. 300 ते 700 चौरस फुटांपर्यंतच्या घरांचा समावेश असेल. या घरांच्या किमती 12 ते 56 लाख रुपयांच्या दरम्यान असतील, असेही सांगण्यात आले आहे.

म्हाडाच्या मुंबई मंडळाचे प्रमाणे कोकण मंडळाची सोडत ही रखडली होती. कोरोनाचा प्रभाव पडला होता गेली दोन वर्षे लॉटरी येईल, अशी आशा नागरिकांना होती. कोकण मंडळाची सोडतही गेल्या तीन वर्षांपासून रखडली होती. 2018 मध्ये 9018 घरांसाठी सोडत निघाली होती. आता नऊ हजार घरांची लॉटरी घेऊन माळा आलेला आहे. यामुळे सर्वसामान्य नागरिकांची प्रतिक्षा संपली आहे.

हेही वाचा -झारखंड सरकार पाडण्याचा डाव; भाजप नेत्यांच्या मागे लागणार चौकशीचा ससेमिरा?

या प्रकल्पाची जाहिरात लवकरच प्रसिद्ध करणार -

पंतप्रधान आवास योजनेतील 6500, कोकण मंडळाच्या गृहप्रकल्पातील दोन हजार तर 20 टक्के योजनेतील 500 घरांचा या सोडतीत समावेश आहे. अत्यल्प, अल्प आणि मध्यम उत्पन्न गटासाठी ही घरे असतील, असे लवकरच या प्रकल्पाची जाहिरात प्रसिद्ध करण्यात येणार असल्याची माहिती कोकण मंडळाचे मुख्य अधिकारी नितीन महाजन यांनी सांगितले.

कुठे, किती घरे?-

1. मिरारोड येथे मध्यम उत्पन्न गटासाठी 196 घरे
2. वर्तक नगर, ठाणे येथील अल्प गटातील 67 घरे - विरार-बोळींजमधील 1300 घरे आहेत. त्यातील सुमारे एक हजार घरे अल्प तर उर्वरित घरे मध्यम गटातील
3. कल्याणमध्ये 2000 घरे अत्यल्प उत्पन्न गटासाठी - गोठेघर, ठाणे – 1200 घरे - वडवली येथे 20 घरे, - कासारवडवली 350 घरे अल्प गटासाठी

हेही वाचा -ज्येष्ठ नेते गणपतराव देशमुख यांची प्रकृती स्थिर; शेकापचे सरचिटणीस आमदार जयंत पाटील सोलापूरकडे रवाना