मेट्रो कारशेड समितीचा अहवाल बंधनकारक नाही - डी.स्टॅलिन

मुळात आरे कारशेडसाठी नेमण्यात आलेली समिती चुकीची असल्याचे स्टॅलिन यांचे म्हणणे आहे. या समितीत कार्यरत असलेल्या अधिकाऱ्यांनाच घेऊन समिती स्थापन केली आहे, हे चुकीची असल्याचे डी. स्टॅलिन यांनी म्हटले.

मुंबई - मेट्रो कारशेड समितीकडून सादर करण्यात आलेल्या अहवालात कारशेड दुसऱ्या ठिकाणी हलवणे व्यवहार्य नसल्याचे नमूद केले आहे. यावर पर्यावरणप्रेमी व वनशक्ती संस्थेचे संस्थापक डी. स्टॅलिन यांनी प्रतिक्रिया देताना, अहवाल सरकारवर बंधनकारक नाही, सरकार आपला निर्णय घेऊ शकते. या अहवालावर तज्ञांना घेऊन अहवाल बरोबर आहे की, नाही याचा पुर्नविचार सरकारने करावा, अशी आमची मागणी असल्याचे ते म्हणाले.

मुळात आरे कारशेडसाठी नेमण्यात आलेली समिती चुकीची असल्याचे स्टॅलिन यांचे म्हणणे आहे. या समितीत कार्यरत असलेल्या अधिकाऱ्यांनाच घेऊन समिती स्थापन केली आहे, हे चुकीची असल्याचे डी. स्टॅलिन यांनी म्हटले. याउलट सरकारने या प्रकरणी स्वतंत्र तज्ञ घेऊन कारवाई करणे आवश्यक होते.

हेही वाचा -थेट सरपंच निवड रद्द; आता सदस्यच निवडणार सरपंच

मेट्रो 3 च्या कारशेडसाठी 'आरे'मध्ये रातोरात झाडांची कत्तल करण्यात आली होती. यानंतर पर्यावरणप्रेमींनी संताप व्यक्त केला होता. मोठ्या प्रमाणात निदर्शनेही करण्यात आली. विरोध करणाऱ्यांमध्ये शिवसेनेचाही समावेश होता. राज्यात महाविकास आघाडीचे सरकार आल्यानंतर मुख्यमंत्री उद्धव ठाकरे यांनी सर्वात आधी आरे कारशेडच्या कामाला स्थगिती दिली होती. यावर समिती स्थापन केली होती.

हेही वाचा -मुंबई फिरण्यासाठी आलेल्या दोघांना ट‌ॅक्सी चालकांनी लुटले, पोलिसांनी केले 24 तासात अटक