मुंबई- कोल्हापूर आणि सांगलीत आलेल्या पुरानंतर आता राज्यभरातून मदतीचा ओघ सुरू झाला आहे. यात मराठी कलाकारही मागे राहिलेले नाहीत. त्यांनीही आवर्जून पुढाकार घेऊन सोशल मीडियाच्या माध्यमातून पुरग्रस्तांसाठी मदत करण्याचे आवाहन केले आहे.
मदत कार्याबाबत माहिती देताना दिग्दर्शक विजू माने
मराठी कलाकारांच्या या आवाहनाला पाठींबा देण्यासाठी अनेक हात पुढे आले आहे. मुंबईत यशवंत नाट्यमंदीर, ठाण्याचे गडकरी रंगायतन, काशीनाथ घाणेकर नाट्यगृह, बोरीवलीच्या प्रबोधनकार ठाकरे नाट्यगृह, अशा काही ठिकाणांहून मदत जमा व्हायला सुरुवात झाली आहे. स्वतः अभिनेता संतोष जुवेकर, अभिनेता कुशल बद्रिके, अभिनेता अभिजित चव्हाण, दिग्दर्शक विजू माने आणि दिग्दर्शक रवी जाधव यांनी ही मदत एकत्र करून ती कोल्हापूर आणि सांगलीकडे पाठवण्याची तयारी सूरु केली आहे.