मुंबई - ओशिवारामध्ये एका सहा वर्षीय मुलीवर लैंगिक अत्याचार झाल्याचा प्रकार समोर आला आहे. पीडित मुलीच्या आईने दिलेल्या तक्रारीवरून पोलिसांनी आरोपी विरोधात पोक्सो कायद्याअंतर्गत गुन्हा दाखल केला आहे. या प्रकरणी पोलिसांनी सुनील नावाच्या व्यक्तीला अटक केले.
अशी आहे घटना -
गुरूवार सायंकाळी पीडित मुलगी घराबाहेर खेळण्यासाठी गेली होती. मुलीच्याच इमारतीमध्ये राहणाऱ्या आरोपीने तिच्यावर लैंगिक अत्याचार केला. काही वेळानंतर मुलगी रडत-रडत घरी आली. आईने विचारणा केली असता गुप्तांगामध्ये वेदना होत असल्याचे तिने आईला सांगितले. तिच्या गुप्तांगामधून रक्त येत असल्याचे आईच्या निदर्शनास आले. त्यानंतर तत्काळ मुलीला घेऊन आईने पोलीस ठाण्यात तक्रार दाखल केली.
तीन तासात केले आरोपीला अटक -
तक्रार दाखल झाल्यानंतर पोलिस आरोपीला पकडण्यासाठी दाखल झाले असता त्याने पळ काढला. मात्र, वेगाने तपास करून तीन तासांत पोलिसांनी आरोपीला अटक केले.