नरेंद्र मोदी खोटे बोलतच इथपर्यंत आले, आम्ही दिलेली आश्वासने पूर्ण केली - मल्लिकार्जुन खरगे

आमच्या सत्ताकाळात आम्ही ज्या योजना आणल्या होत्या, त्यावर हिच मंडळी टीका करत होते, असेही ते यावेळी म्हणाले. यामुळे आम्ही अशाच विषयावर आम्ही आता जनतेपुढे जाणार, असे खरगे म्हणाले

मुंबई - पंतप्रधान नरेंद्र मोदी आत्तापर्यंत खोटे बोलतच इथपर्यंत पोहोचले आहेत. यापुढेही ते खोटेच बोलणार, अशी टीका काँग्रेस नेते मल्लिकार्जुन खरगे यांनी केली आहे. मुंबईत झालेल्या पत्रकार परिषदेत ते बोलत होते.

'मोदी यांनी सत्तेत येण्यापूर्वी ज्या घोषणा केल्या होत्या, त्यापैकी एकही त्यांनी पूर्ण केली नाही. देशातील गोरगरीब आणि सर्वसामान्यांसाठी त्यांच्या विकासासाठी एकही नवीन योजना आणली नाही. मोदींनी सत्तेत येण्यापूर्वी ज्या घोषणा केल्या होत्या, त्यापैकी एकही योजना त्यांनी पूर्ण केली नाही. आमच्या सत्ताकाळात आम्ही ज्या योजना आणल्या होत्या, त्यावर हिच मंडळी टीका करत होती, असेही ते यावेळी म्हणाले. यामुळे आम्ही अशाच विषयावर आम्ही आता जनतेपुढे जाणार असल्याचे खरगे म्हणाले.

राज्यात आता लोकसभेच्या सर्व निवडणुका प्रदेशाध्यक्ष अशोक चव्हाण यांच्याच नेतृत्वाखाली लढल्या जाणार आहेत. यासाठी आता सर्व पक्ष कार्यकर्ते मिळून एकत्र काम करत असल्याचेही त्यांनी सांगितले.