मुंबई :शिवसेना नेत्या दीपाली सय्यदआणि भाजप यांच्यात सध्या शाब्दिक वॉर सुरू (Verbal war between Deepali Sayyed and BJP) आहे. आजही भाजपच्या नेत्यांवर अप्रत्यक्षपणे जोरदार टीका केली. महाराष्ट्राद्रोह्यांनो तुम्हाला भोसल्यांची लेक पुरून उरेल, असा इशाराच दीपाली सय्यद यांनी ट्विटरवरून दिला आहे. त्यामुळेभाजप आणि सय्यद यांच्यात जुंपणार आहे.
दीपाली सय्यद यांनी भाजपला दिलेली सडेतोड उत्तरे : गेल्या काही दिवसांपासून शिवसेना नेत्या दीपाली सय्यद विरोधकांवर सातत्याने टीका करीत आहे. मुख्यमंत्री, शिवसेनेला लक्ष्य करणाऱ्या भाजपवर निशाणा साधण्याची एकही संधी त्या सोडत नाहीत. मध्यंतरी किरीट सोमय्यांनी मुख्यमंत्री तथा शिवसेना पक्ष प्रमुख उद्धव ठाकरे यांचा एकेरी उल्लेख केला होता. सय्यद यांनी सोमय्यांना सडेतोड उत्तरे दिली होती. नुकतेच अंगावर आले तर शिंगावर घेऊ, मुख्यमंत्रींबद्दल बोललात तर पंतप्रधानांची आठवण करून देऊ, असे आव्हान सय्यद यांनी दिले होते. तसेच, दिल्लीला हुजऱ्या करणाऱ्यांना महाराष्ट्राचा स्वाभिमान दाखवून देऊ. दिल्लीसमोर झुकणार नाही. मोडेल पण वाकणार नाही, अशा शब्दांतही भाजपला इशारा दिला होता.