मुंबई - जगभरासह देशात कोरोना विषाणूमुळे दिवसेंदिवस अत्यंत भीषण परिस्थिती निर्माण होत आहे. भारतात महाराष्ट्रात आतापर्यंत सर्वात जास्त कोरोना पॉझिटिव्ह रूग्ण आढळून आले आहेत. सुरुवातीला महाराष्ट्र आणि केरळ हे दोन राज्य आघाडीवर होते. मात्र, हळूहळू महाराष्ट्राने केरळला मागे टाकले आणि देशात सर्वात जास्त कोरोनाचे रूग्ण हे राज्यात आढळत आहेत. राज्यात शेवटची आकडेवारी हाती आली असता, 3205 रूग्णांना कोरोनाची लागणी झाली आहे. तर यात 76 विदेशी नागरिकांचा समावेश आहे. तसेच 300 रूग्णांना निदान करण्यात आले आहेत. त्यांना रूग्णालयातून डिस्चार्ज देण्यात आले आहेत. तर 194 रूग्णांचा आतापर्यंत मृत्यू झाला आहे.
देशातील परिस्थिती बघता, कोरोना विषाणूने हाहाकार माजवला आहे. केंद्रिय आरोग्यमंत्रालयाच्या माहितीनुसार, देशात आतापर्यंत 11201 कोरोना पॉझिटिव्ह रूग्ण आढळून आले आहेत. 1748 रूग्णांना डिस्चार्ज देण्यात आला आहे. तर 437 रूग्णांचा मृत्यू झाला आहे आणि एकाला स्थलांतरीत करण्यात आहे.
यासंदर्भात सतत मुख्यमंत्री उद्धव ठाकरे, आरोग्यमंत्री राजेश टोपे, केंद्रीय आरोग्य मंत्रालयाचे अधिकारी सतत माहिती देत आहेत. राज्यातील, देशातील परिस्थितीचा आढावा घेत आहेत. गुरूवारी राज्याचे आरोग्यमंत्री राजेश टोपे यांनी जनतेशी संवाद साधला. राज्यात कंटेनमेंट कृती आराखड्याची प्रभावीपणे अंमलबजावणी होत असल्याने कोरोना रुग्णांच्या दुप्पटीच्या दराचा वेग हा दोन दिवसांवरून सहा दिवसांवर गेला आहे. हा कालावधी जेवढा वाढेल ती राज्याच्या दृष्टीने समाधानाची बाब असेल, असा विश्वास त्यांनी यावेळी व्यक्त केला. तर राज्यात अजून सहा ठिकाणी कोरोना चाचणीची सुविधा निर्माण होणार असल्याने राज्यातील प्रयोगशाळांची संख्या ३६ होईल,अशी माहितीही त्यांनी दिली.