पवईत 2 लाख दिव्यांनी साकारली प्रभू रामचंद्राची प्रतिमा

जे जे स्कूल ऑफ आर्टचा माजी विद्यार्थी चेतन राऊत याच्या संकल्पनेतून हे पोट्रेट तयार करण्यात आले आहे.

मुंबई- नवीन वर्षाचे स्वागत पवईतील कनाकिया फ्युचर सिटीमध्ये अनोख्या पद्धतीने करण्यात आले आहे. तब्बल 2 लाख मातीच्या दिव्यांपासून या ठिकाणी राम दरबाराची प्रतिमा साकारण्यात आली आहे.

हेही वाचा - सरकारी कार्यलातून प्लास्टिक बॉटल होणार हद्दपार, मंत्रालयापासून सुरुवात

जेजे स्कूल ऑफ आर्टचा माजी विद्यार्थी चेतन राऊत याच्या संकल्पनेतून हे पोट्रेट तयार करण्यात आले आहे. गेल्या 3 दिवसांपासून 30 कलाकारांनी दिवसरात्र मेहनत करून हे भव्य पोट्रेट तयार केले आहे. 5 हजार चारशे चौरस फुटाच्या या राम दरबारात प्रभू रामचंद्र, सीता, लक्ष्मण आणि हनुमान यांच्या प्रतिमा आहेत.