मुंबई- मंगळवारी रात्री मुंबईच्या कुर्ला परिसरात एका 6 वर्षाच्या मुलीवर लैंगिक अत्याचार केल्याप्रकरणी एका आरोपीला विनोबा भावेनगर पोलिसांनी अटक केली. लैंगिक अत्याचाराची ही घटना १ डिसेंबर रोजी घडली होती. यासंबंधी पीडितेच्या कुटुंबीयांनी पोलीस ठाण्यात तक्रार दाखल केली होती.
पीडितेच्या कुटुंबीयांच्या म्हणण्यानुसार, त्यांची सहा वर्षाची मुलगी परिसरातीलच एका अंड्याच्या दुकानात गेली होती. यावेळी दुकानदाराने मुलीसोबत अश्लील कृत्य केले. ही सर्व घटना मुलीने घरी येऊन आपल्या आईला सांगितली. यावेळी मुलीच्या कुटुंबानी विनोबा भावे पोलीस ठाण्यामध्ये तक्रार दाखल केली. पोलिसांनी आरोपी विरोधात गुन्हा दाखल केला असून आरोपी दुकानदाराला अटक करण्यात आली आहे.
