मुंबई - औरंगाबादच्या नामांतराच्या मुद्द्यावरुन राज्यातील राजकारण तापत आहे. याच मुद्द्यावरुन भाजप नेते किरीट सोमैया यांनी शिवसेनेवर निशाणा साधला आहे. ते म्हणाले, मुख्यमंत्री उद्धव ठाकरे व शिवसेनेने ठरवायचे आहे की त्यांचा भगवा हा खरच भगवा आहे की हिरवा झाला आहे, असे म्हणत भाजप नेते किरीट सोमैया यांनी शिवसेनेवर खोचक टीका केली आहे.
बोलताना किरीट सोमैया
ते म्हणाले, काँग्रेसनंतर आता समाजवादी पक्षानेही औरंगाबादचे नामांतरण करू नये, अशी भूमिका घेतली आहे. मात्र, औरंगाबादला संभाजीनगर संबोधणाऱ्या शिवसनेने नामांतराबाबत आपली भूमिका अद्याप स्पष्ट केली नाही. यामुळे आताची शिवसेना बाळासाहेब ठाकरे यांना मानणारी भगवी शिवसेना आहे की, त्यांचा रंग हिरवा झाला आहे, असा सवाल सोमैयांनी उपस्थित केला आहे.
सेना-भाजपात रंगले शाब्दिक युद्ध