मुंबई - जालना मतदारसंघातून निवडणूक लढण्यासाठी शिवसेना नेते अर्जून खोतकर आग्रही आहेत. ही जागा भाजपच्या वाटेला आली आहे. त्यामुळे युतीपुढे पेच निर्माण झाला आहे. आज मातोश्रीवर उद्धव ठाकरे आणि खोतकर यांच्यामध्ये चर्चा झाली. मात्र, ही चर्चा निष्फळ ठरली आहे. खोतकर या जागेवरुन लढण्यावर अजूनही ठाम आहेत.
अर्जून खोतकर जालन्याच्या जागेसाठी ठाम; उद्या औरंगाबादमध्ये होणार चर्चा
मातोश्रीवर उध्दव ठाकरे, अर्जून खोतकर आणि पंकजा मुंडे यांच्यामध्ये चर्चा झाली. यात जालन्यातील जागेवर तोडगा काढण्याचा प्रयत्न झाला. जालन्यातून रावसाहेब दानवे हे युतीचे उमेदवार आहेत. त्यामुळे खोतकर यांनी माघार घ्यावी यासाठी युतीच्या नेत्यांचे प्रयत्न आहेत. पण, खोतकर त्यांच्या निर्णयावर ठाम असल्याचे समजते.