सुशांतसिंह प्रकरण : करमजित हा मॅनेजमेंटचा विद्यार्थी असून त्याला गुंतवले जातंय- अ‌ॅड.कटके

एनसीबीने करमजितला अटक केली तेव्हा त्याच्या घरातून 6 लाख रुपये जप्त करण्यात आले होते. ती रक्कम त्याच्या आईने दागिने विकून करमजितच्या भविष्यासाठी जमा केली होती. तो 23 वर्षांचा असून तो निर्दोष आहे. त्याला सुशांतसिह राजपूत आत्महत्या प्रकरणात गुंतवले जात आहे, असे अ‌ॅड. संदीप कटके यांनी म्हटले आहे.

मुंबई- सुशांतसिंह राजपूत मृत्यू प्रकरणाशी संबधित अमली पदार्थ प्रकरणाचा तपास करणाऱ्या नार्कोटिक्स कंट्रोल ब्युरोने मुंबई आणि गोवा येथे छापे टाकत 7 जणांना अटक केली होती. करमजितसिंह याला एनसीबीने दोन दिवसांपूर्वी अटक केली होती. यासंदर्भात माध्यमांशी बोलताना करमजितचे वकील अ‌ॅड.संदीप कटके यांनी तो मॅनेजमेंटचा विद्यार्थी असून त्याला या प्रकरणात गुंतवले जात असल्याचे म्हटले.

एनसीबीने करमजितला अटक केली तेव्हा त्याच्या घरातून 6 लाख रुपये जप्त करण्यात आले होते. एनसीबीने आज 6 जणांना न्यायायलयात हजर केले होते. व्हॉटसअप चॅटवरून मधून करमजितचे नाव पुढे आले होते. करमजिच्या घरी मिळालेले 6 लाख रुपये त्याच्या आईचे आहेत. त्याच्या आईने दागिने विकून ते पैसे साठवले होते. त्याच्या पावत्या न्यायालयात सादर करु, असे करमजितच्या वकिलांनी सांगतिले.

करमजित 23 वर्षांचा मुलगा असून तो निर्दोष आहे. तो मॅनेजमेंटचा विद्यार्थी आहे, त्याला सुशांतसिह राजपूत आत्महत्या प्रकरणात गुंतवले जात आहे, असे अ‌ॅड. संदीप कटके यांनी म्हटले आहे. करमजित आणि अन्य दोन जणांना एनसीबी कोठडी सुनावण्यात आली आहे.

एनसीबीच्या पथकाने गांजाचा संशयित पुरवठा करणारा डेव्हन अँथनी फर्नांडिस आणि इतर दोघांना दादर येथून अटक केली आहे. तिघांकडे 500 ग्रॅम गांजा सापडला होता. यासह, अंकुश अरेना नावाच्या व्यक्तीला पवई उपनगरातून पकडण्यात आले. अरांझा येथून 42 ग्रॅम चरस व 1,12,400 रुपये जप्त केले आहेत. दुसर्‍या छाप्यात एनसीबीने ख्रिस कोस्टाला गोव्यातून अटक केली आहे. यापूर्वी एनसीबीच्या पथकाने अनुज केशवानीला अटक केली.