मुंबई -अभिनेत्री कंगना रणौत गेल्या काही दिवसांपासून अनेक कारणांनी चर्चेत आहे. सोशल मीडियावर सातत्याने करण्यात येत असलेल्या वादग्रस्त पोस्टमुळे ती गोत्यात आली आहे. कंगना रणौत आणि तिची बहीण रंगोली चंदेल यांच्याविरोधात वांद्रे पोलीस स्टेशन येथे गुन्हा दाखल आहे. याबाबत चौकशीसाठी वांद्रे पोलिसांनी कंगनाला तिसऱ्यांदा समन्स बजावलं आहे. दोन समाजांमध्ये तेढ निर्माण करणारी वक्तव्ये कंगनाने केल्यामुळे वांद्रे न्यायालयाने मुंबई पोलिसांना कंगनावर गुन्हा नोंदवण्याचे आदेश दिले होते.
यापूर्वी कंगनाला दोनदा नोटीस बजावण्यात आली होती. मात्र, कंगनाने वैयक्तिक कारणामुळे चौकशीसाठी 15 नोव्हेंबरपर्यंत हजर राहू शकणार नाही, असे कळवले होते. त्यानंतर पोलिसांनी तिसरी नोटीस बजावली आहे. कंगनाला 23 नोव्हेंबर 24 नंबर अशा दोन दिवशी हजर राहण्याची नोटीस दिली आहे.