मुंबई - दिल्लीतील जवाहरलाल नेहरू विद्यापीठात रविवारी भ्याड हल्ला झाला होता. अखिल भारतीय विद्यार्थी परिषदेच्या कार्यकर्त्यांनी जेएनयू विद्यार्थी संघटनेच्या आइशी घोष हिच्यावर हल्ला केला होता. या हल्ल्याच्या विरोधात सोमवारी राज्यातील विविध विद्यार्थी संघटनांनी सोबतच सामाजिक संघटनांच्या प्रतिनिधींनी हुतात्मा चौकात केंद्र सरकार आणि अखिल भारतीय विद्यार्थी परिषदेचा तीव्र निषेध केला.
जेएनयू हिंसाचाराचा निषेध
यावेळी सुवर्णा साळवे या आंदोलनकर्त्या म्हणाल्या, जेएनयूमध्ये विद्यार्थ्यांवर आणि प्राध्यापकांवर जो हल्ला करण्यात आला तो भ्याड हल्ला होता. ज्या लोकांच्या इशाऱ्यावर हल्ला करण्यात आला, त्यांना आम्ही सत्तेतून पायउतार केल्याशिवाय शांत बसणार नाही आणि त्यासाठीच आम्ही विद्यार्थी रस्त्यावर उतरले असल्याचे त्या म्हणाल्या.