मुंबई- राज्यात कोरोना रुग्णांची संख्या दिवसागणिक वाढत आहे. कोरोना रोज नवनवीन विक्रम करतोय. कोरोनाची रोजची आकडेवारी ही डोळे विस्फारणारी आहे. इतर राज्याच्या तुलनेत महाराष्ट्रात कोरोना रुग्णांची संख्या ही अधिक आहे. ही वाढणारी आकडेवारी पाहता प्रशासनावर ताण निर्माण होत आहे हे नाकारता येणार नाही. राज्यामध्ये कोरोनाचा नवा स्ट्रेन आला आहे. याची संसर्ग होण्याची क्षमता आधीपेक्षा जास्त आहेे. टास्क फोर्सचे प्रमुख डॉ. संजय ओक यांच्याशी या वाढणाऱ्या कोरोना संदर्भात चर्चा केली. यावेळी त्यांनी कोरोनाच्या नव्या स्ट्रेनसह अनेक माहिती दिली.
राज्यात का वाढतोय कोरोना?
कोरोना वाढण्याचे एक महत्त्वाचे कारण म्हणजे जनसंख्या. राज्यात अनेक शहरे अशी आहेत जिथे लोकसंख्या दाटीवाटीने राहते. अनेक शहर ही प्राईम इंडस्ट्रियल कॅपिटल आहेत. एमआयडीसी, उद्योग धंदे आहेत त्यामुळे अनेक लोक एकत्र संपर्कात येऊन काम करतात. त्यामुळे संसर्ग पसरायला व्हायरसला संधी मिळते. त्यात मास्क न वापरण्याची लोकांची वृत्ती भर घालते. तसेच वर्कर फ्रॉम होम असताना लोक घराबाहेर पडतात. सोशल, फायनान्सिएल, प्रोफेशनल कामासाठी लोक बाहेर पडतात. त्याच बरोबर राज्यात कोरोनाचे दोन स्ट्रेन आढळून आले आहेत. यांची संसर्ग होण्याची क्षमता जास्त आहे. या सगळ्यांची परिणीती राज्यात कोरोना वाढण्यात झाली आहे.
टास्क फोर्सच्या उपाय योजना -
डॉ. संजय ओक सांगतात की, "टास्क फोर्सने अनेक उपाययोजना सुचवलेल्या आहेत. आपल्या उपचार पद्धती अपडेट करून त्याचा प्रोटोकॉल आरोग्य विभागाला दिलेला आहे की, जेणेकरून तो राज्यभर प्रस्तुत व्हावा. त्यात प्रोटोकॉलमध्ये औषधांच्या सूची आहेत, कोणतं औषध आजाराच्या कितव्या दिवशी वापरायचं यांचे निर्देश आहेेत. वेंटलेटर कधी वापरायचा? हायफ्लो लेझल कॅनोलाचा वापर कधी करायचा. लेझल ऑक्सिजन किती लिमीटपर्यंत न्यायचा, रुग्णाला पालथ्या स्वरुपात कधी आणि किती तास झोपवायचे. कोणती औषधे वापरायची नाहीत, याच्या सूचना देखील केल्या आहेत. प्लाझमाचा वापर क्रिटीकल कंडीशनमध्ये किती लवकर करावा, याचे निर्देश दिले आहेत. होमक्वारंटाईन स्ट्रिकली कसे व्हावे, याच्या सूचना केल्या आहेत. तसेच लसीकरण विद्युतवेगाने कसे करता येईल, याचाही ओहापोह टास्क फोर्सने केल्याचे संजय ओक सांगतात.
१० ते १४ वयोगटात कोरोना रुग्णाचे प्रमाण -