मुंबई - महाराष्ट्र राज्य औद्योगिक महामंडळाच्या (एमआयडीसी) अधिकाऱ्यांनी दिलेली कोणतीही बेकायदेशीर बिले मंजूर केली जाणार नाहीत. अशा बिलांची चौकशी करू, असे राज्याचे उद्योगमंत्री सुभाष देसाई यांनी स्पष्ट केले आहे. दावोसच्या दौऱ्यावर गेलेल्या एमआयडीसी अधिकाऱ्यांनी बोगस बिले दिली, असा आरोप राष्ट्रवादी काँग्रेसचे नेते नवाब मलीक यांनी केला होता. त्यावर स्पष्टीकरण देताना देसाई बोलत होते.
मुख्यमंत्री देवेंद्र फडणवीस यांच्यासोबत एमआयडीसीचे अतिरिक्त सचिव सतीश गवई दावोस दौऱ्यावर गेले होते. त्यांनी तब्बल ७ कोटी ६३ लाख रुपयांची बिले दिली असून, ही बिले बेकायदेशीर असल्याचा आरोप मलिक यांनी केला होता.