मुंबई - विधानसभेच्या अध्यक्षपदासाठी काँग्रेसकडून नाना पटोले यांच्या नावाची घोषणा करण्यात आली आहे. महाविकास आघाडीच्या प्रमुख नेत्यांसह पटोलेंनी शनिवारी अध्यक्ष पदाच्या उमेदवारीचा अर्ज भरला, तर भाजपकडून किसन कथोरे हे विधानसभा अध्यक्ष पदासाठी अर्ज दाखल करणार आहेत.
महाविकास आघाडीच्या प्रमुख नेत्यांच्या उपस्थितीमध्ये नाना पटोलेंचा विधानसभा अध्यक्ष पदासाठी अर्ज दाखल
हेही वाचा - शासनाकडून कायद्याची, घटनेची पायमल्ली, शपथविथी नियमबाह्य - चंद्रकांत पाटील
विधीमंडाळामध्ये महाविकास आघाडी सरकार विश्वासदर्शक ठरावाला सामोरे जाणार आहे. तत्पूर्वी विधानसभा अध्यक्ष पदासाठी काँग्रेसकडून नाना पटोले यांनी आपला अर्ज भरला आहे. महाविकास आघाडीच्या प्रमुख नेत्यांच्या उपस्थितीमध्ये पटोलेंनी उमेदवारी अर्ज दाखल केला. जनतेच्या प्रश्नांसाठी आक्रमकपणे काम करणार असल्याचे नाना पटोले म्हणाले. अर्ज दाखल केल्यानंतर ते माध्यमांशी बोलत होते.