Home Minister's Appeal: गृहमंत्र्यांची केंद्र सरकारला लाऊडस्पीकर बाबत धोरण आणण्याची विनंती

राज्यात शांतता राखल्या बद्दल गृहमंत्र्यांची मानले दोन्ही समुदायाचे आभार मानतानाच गृहमंत्री दिलीप वळसे पाटील (Home Minister Dilip Walse Patil) यांनी केंद्र सरकारला लाऊडस्पीकर वापराबाबत धोरण आणण्याची विनंती (I urge the Central govt to come out with a policy on the use of loudspeakers) केली आहे.

मुंबई :राज्याचे गृहमंत्री दिलीप वळसे पाटील (Home Minister Dilip Walse Patil) यांनी म्हणले आहेकी, मी केंद्र सरकारला लाऊडस्पीकरच्या वापराबाबत धोरण आणण्याची विनंती करतो. लाऊडस्पीकरच्या रांगेत शांतता राखण्यासाठी राज्य सरकारला सहकार्य केल्याबद्दल मी हिंदू आणि मुस्लिम दोन्ही समुदायातील लोकांचे आभार मानू इच्छितो

राज्यात गेल्या काही दिवसांपासुन मशिदीवरील भोंग्यांवरुन वाद सुरू आहे. मनसे अध्यक्ष राज ठाकरे यांनी सरकारला मशिदीवरील भोंगे उतरावे असे अवाहन केले होते. तसेच हे भोंगे न उतरवल्यास मशिदी समोर मोठ्या आवाजात हनुमान चालीसा लावण्याचा इशारा दिला होता. या मुळे राज्यात तणाव निर्माण होण्याची शक्यता निर्माण झाली होती. राज्य सरकारने वारंवार बैठका घेत दोन्ही समुदायाला शांततेचे आवाहन केले होेते.

विविध राजकिय पक्षांची बैठक घेऊन सरकारची भुमिका स्पष्ट केली होती. तसेच कोणताही अनुचित प्रकार घडुनये यासाठी तगडा बंदोबस्त ठेवला होता. सरकारच्या आवाहना नंतर राज्य भरातील अनेक मशिदींनी भोंगे उतरवले तसेच अनेक मशिदींनी भोंग्यांचा आवाज मर्यादित ठेवला. तसेच अनेक ठिकाणी या विषयावरुन जातीय तेढ निर्माण होऊ नये यासाठी दोन्ही समुदायांनी सामंजस्य दाखवले या पार्श्वभुमीवर गृहमंत्र्यांनी जनतेचे आभार मानत केंद्र सरकारने या विषया संदर्भात सर्वसमावेशक धोरण ठरवण्याची विनंती केली आहे.