मुंबई -राज्य मंत्रिमंडळाच्या बैठकीत थोड्याच वेळात कायदा-सुव्यवस्था आणि महिलांच्या सुरक्षेच्या संदर्भात शक्ती नावाच्या कायद्याला मंजुरी देण्यासाठीचा महत्त्वाचा निर्णय घेतला जाणार आहे. या निर्णयानंतर हा कायदा विधानसभेत संमत करण्यासाठी तो सरकारकडून प्रस्तावित केला जाणार असून या कायद्याला सर्वपक्षीय सदस्य पाठिंबा देतील, असा विश्वास गृहमंत्री आणि देशमुख यांनी व्यक्त केला.
शक्ती कायद्याने महिलांचे प्रश्न सुटतील
मंत्रिमंडळाच्या बैठकीला सुरुवात होण्यापूर्वी गृहमंत्री अनिल देशमुख यांनी माध्यमांशी बोलताना ही माहिती दिली. ते म्हणाले, शक्ती कायद्याचा विषय बुधवारी (डि. 9 डिसें.) मंत्रिमंडळाच्या बैठकीत असून त्यावर सर्वानुमते निर्णय घेतला जाणार आहे. या मंजुरीनंतर शक्ती कायद्याचा प्रस्ताव विधान मंडळाच्या अधिवेशनात आणला जाईल आणि त्या ठिकाणी हा कायदा संमत केला जाईल. राज्यातील सुरक्षा व्यवस्था आणि महिलांच्या प्रश्न संदर्भात अत्यंत महत्त्वाचा कायदा असल्याने या कायद्याला सर्वच विरोधी पक्षाचे सदस्यही पाठिंबा देतील, असा विश्वास त्यांनी व्यक्त केला.