मुंबई - साध्वी प्रज्ञासिंह यांचे तत्कालीन एटीएस प्रमुख हेमंत करकरे यांच्या मृत्यू संदर्भात केलेले वक्तव्य म्हणजे हुतात्म्यांचा अपमान आहे. अशा उमेदवाराला भाजपकडून तिकीट देणे चुकीचे असल्याचे जमात-ए-उलेमा संघटनेचे गुलजार आजमी म्हणाले.
जमात-ए-उलेमा संघटनेचे गुलजार आजमी
हेमंत करकरे यांनी माझ्यावर केलेली कारवाई ही देशद्रोही आणि धर्मविरोधी होती. तसेच त्यांनी माझ्याबाबत चुकीचा व्यवहार केला. माझा शापामुळेच हेमंत करकरेंचे निधन झाले. दहशतवाद्यांनी करकरेंना संपवून माझे सुतक संपवले, असल्याचे वादग्रस्त वक्तव्य साध्वी प्रज्ञासिंह यांनी केले. त्यावरच आज गुलजार बोलत होते. भाजपकडून साध्वी प्रज्ञासिंहच्या विरोधात कारवाई होणे गरजेचे असल्याचेही ते म्हणाले.