मुंबई -देशाची आर्थिक राजधानी असलेल्या मुंबई शहराची लोकसंख्या दोन कोटींच्या जवळ जाऊन पोहचली आहे. मुंबईतील नागरिकांच्या आरोग्याचा प्रश्न लक्षात घेता मुंबई महानगरपालिका व राज्य शासनाकडून शहरात रुग्णालये सुरू आहेत. मात्र, ही रुग्णालये स्वतःच व्हेंटिलेटरवर असल्याची बाब समोर आली आहे. माहिती अधिकार (आरटीआय) कार्यकर्ता चेतन कोठारी यांनी माहिती अधिकारातून ही माहिती मिळवली.
मुंबई महानगरपालिका व राज्य शासनाची रुग्णालये स्वतःच व्हेंटिलेटरवर
मुंबईतील गोकुळदास तेजपाल रुग्णालयामध्ये एकूण १२ व्हेंटिलेटर आहेत. त्यापैकी ४ व्हेंटिलेटर सध्या कार्यान्वित नाहीत. कामा हॉस्पिटलमध्ये सुद्धा असेच चित्र आहे. या ठिकाणचे एक व्हेंटिलेटर, तर वांद्रे येथील नागरी सेवा केंद्रातील २ व्हेंटिलेटर निष्क्रिय आहेत. ही बाब माहिती अधिकारातून समोर आली आहे.