महाराष्ट्र

maharashtra

ETV Bharat / state

शिवडीचा राजा गणपतीचा 'कलम 370 रद्द'वर 'नंदनवनात स्वातंत्र्याची पहाट' देखावा - गणेशोत्सव

लोकमान्यांना अभिप्रेत असणारा गणेशोत्सव साजरा करण्याचे हे शिवडी मध्य विभाग सार्वजनिक गणेशोत्सव मंडळाचे 68 वे वर्ष आहे.

नंदनवनात स्वातंत्र्याची पहाट देखावा

By

Published : Sep 5, 2019, 11:30 PM IST

मुंबई - शिवडीच्या राजाच्या गणपतीचा एक ज्वलंत देखावा गणपती यावर्षी उभारण्यात आला आहे. त्याची थीम आहे नंदनवनात स्वातंत्र्याची पहाट. नुकतेच जम्मू काश्मीरमधील कलम 370 रद्द करण्यात आले. त्यावर या मंडळाने डोळ्याचे पारणे फेडणारा देखावा बनवला आहे.

'नंदनवनात स्वातंत्र्याची पहाट' देखावा

हेही वाचा -ठाण्यात 'वाचाल तर वाचाल' असा संदेश देणारे बाप्पाची स्थापना

लोकमान्यांना अभिप्रेत असणारा गणेशोत्सव साजरा करणाऱ्या शिवडी मध्य विभाग सार्वजनिक गणेशोत्सव मंडळाचे हे 68 वे वर्ष आहे. गेली 6 दशके सातत्याने मंडळ सामाजिक शैक्षणिक, कला आणि क्रीडा महोत्सव तसेच आपत्कालीन मदत यासारखे उपक्रम सातत्याने राबवत आहे.

महाराष्ट्रातील सांगली, कोल्हापूर, सातारा येथे आलेल्या महापुरामुळे अनेक कुटुंबांचे संसार उघड्यावर पडले आहेत. त्यांना अनेक स्थरातून मदतीचा ओघ सुरू आहे. तसेच सामाजिक जबाबदारी ओळखून शिवडीचा राजा मंडळाच्या पदाधिकारी व कार्यकर्त्यांनीही सांगली येथील मसुचीवाडी या गावाला प्रत्यक्ष भेट देऊन पूरग्रस्तांना शालेय व जीवनावश्यक वस्तूंचे वाटप केले. शिवडीचा राजा हा सामाजिक देखाव्याचा राजा म्हणून प्रसिद्ध आहे. सामाजिक देखाव्याच्या माध्यमातून समाजप्रबोधन करण्याचा वसा या मंडळाने घेतला आहे. त्यामुळेच 370 कलम यावर आधारित स्वातंत्र्याची पहाट या थीमवर त्यांनी यंदाचा देखावा बनवला आहे.

हेही वाचा -'या' बाप्पाच्या भक्ताच्या नावावर आहे 'लिम्का वर्ल्ड रेकॉर्ड'

त्यामुळे गेल्या काही वर्षात भारतावरच अवघ्या जगाचे राजकारण ढवळून काढणाऱ्या कलम 370 चा मागोवा घेत मंडळाने नंदनवनात स्वातंत्र्याची पहाट हा वास्तवदर्शी देखावा साकारला आहे. कश्मीरमध्ये घर, जागा असण्यापेक्षा तेथील लोकांच्या मनात घर असणे, महत्त्वाचे आहे. हे देखाव्यातून स्पष्ट केलेले आहे. भारत सरकारच्या कलम 370 रद्द करण्याच्या निर्णयाचे देखील मंडळाचे अध्यक्ष श्रीकांत जाधव यांनी स्वागत केले आहे.

ABOUT THE AUTHOR

...view details