मुंबई- मुंबईच्या पूर्व उपनगरातील मानखुर्द मंडाळा येथील एका भंगाराच्या दुकानाला आग लागली होती. आगीवर अग्नीशमन विभागाच्या जवानांनी नियंत्रण मिळवले आहे.
आग आटोक्यात आणण्याचा प्रयत्न करताना अग्निशमन दलाचे जवान
मंगळवार (दि. 23 जून) सकाळी 6 वाजण्याच्या सुमारास मानखुर्द मंडाळा ट्रान्झिस्ट कॅम्प, लोरोईलाही मस्जीद जवळ, घाटकोपर मानखुर्द लिंक रोड येथे एका भंगाराच्या गोदामाला आग लागली होती. घटनास्थळी मुंबई अग्निशमन दलाचे 3 फायर वाहन, 5 जम्बो वॉटर टँकर, 3 वॉटर टँकर व 2 रेस्क्यू वाहने उपस्थित होती. अग्निशमन दलाच्या जवानांनी अथक परिश्रमानंतर 9 वाजून 48 मिनिटांनी आगीवर नियंत्रण मिळवले आहे.