Financial Fraud : सारस्वत बँकेची 18 लाखांची फसवणूक करणाऱ्या सायबर चोरांच्या टोळीला उत्तर प्रदेश आणि बिहारमधून अटक

Financial Fraud: सारस्वत बँकेच्या शाखांना ग्राहक असल्याचे भासवून 17 लाख 96 हजार ५६५ रुपये हस्तांतरीत करण्यास भाग पाडलेल्या आंतरराज्यीय टोळीच्या सदस्यांना उत्तरप्रदेश आणि बिहार येथून सायबर पोलिसांनी अटक केली आहे. (Financial Fraud of Saraswat Bank) या प्रकरणी सारस्वत बँकेच्या अंधेरी आणि दादर शाखेच्या फिर्यादीवरून पश्चिम विभाग आणि मध्य विभाग सायबर पोलीस ठाण्यात विविध कलमान्वये गुन्हा नोंदविण्यात आला आहे.

मुंबईFinancial Fraud:14 जूनला दुपारी 3.53 ते 6.30 वाजताच्या कालावधीत अज्ञात इसमाने सारस्वत बँकेस ई-मेल व मोबाईलद्वारे संपर्क करून त्यांचे ग्राहक असल्याचे भासविले. यानंतर १७ लाख ९६ हजार ५६5 रुपये हस्तांतरीत करण्यास बनावटीकरणाद्वारे भाग पाडले. या गुन्ह्यात आरोपीने बँकेस त्यांच्या ग्राहकांच्या नावाने संपर्क करून तात्काळ बँक व्यवहार करावयाचा आहे असे सांगितले. त्याकरिता बनावट ई-मेलद्वारे बँक खाते पुरवून बँक खात्यात रक्कम हस्तांतरीत करण्यास भाग पाडले. 14 जूनला आरोपींनी अश्याच प्रकारे सारस्वत बँकेच्या मुंबईतील अंधेरी व दादर बँकेस संपर्क करून बनावटीकरणाद्वारे फसवणूक केल्याने पश्चिम विभाग सायबर पोलीस ठाणे, बीकेसी व मध्य विभाग सायबर पोलीस ठाणे, वरळी येथे दोन गुन्हे नोंद करण्यात आले. (Cyber Thieves Arrested )

बिहार, राजस्थान, यूपीतून गुन्हे:गुन्ह्याचा तपास सुरू करून बँक खाती व मोबाईल क्रमांकाविषयी माहिती प्राप्त करण्यात आली. तांत्रिक व पारंपरिक तपासातून गुन्ह्यात आंतरराज्यीय टोळी सक्रिय असल्याचे दिसून आले. तसेच गुन्ह्यातील आरोपींनी बिहार, राजस्थान व उत्तरप्रदेश या राज्यातून गुन्हे केल्याचे उघडकीस आले. त्यामुळे पश्चिम विभाग सायबर पोलीस ठाण्याचे पथक उत्तरप्रदेश व बिहार राज्यात रवाना केले गेले. कुंदन ज्वेलर्स प्रायव्हेट लिमिटेड यांच्या सारस्वत बँकेच्या खात्यातून संशयित उमेश गुप्ता याच्या राजस्थान येथील बँक खात्यात रक्कम हस्तांतरीत झाल्याने व सद्यस्थितीत हा आरोपी उत्तर प्रदेशातील देवरिया येथे असल्याचे दिसून आले. भटनी देवरिया, उत्तदप्रदेश येथे पोलीस पथक पाठवून स्थानिक भटनी पोलीसांच्या मदतीने आरोपी उमेश गुप्ता यास अटक करण्यात आली.

आरोपीस बिहार पोलिसांच्या मदतीने अटक:पुढे अधिक तपास करून मोठ्या प्रमाणात बनावट खाती उघडणाऱ्या बिहार येथील बेलोसा, सिवान येथे राहणाऱ्या आदर्श कुमार सिंग यास स्थानिक बिहार पोलिसांच्या मदतीने अटक करण्यात आली. त्याचप्रमाणे तांत्रिक व पारंपरिक तपासातून आरोपी योगेश कुमार शर्मा याच्या खात्यात रक्कम हस्तांतरीत झाल्याचे दिसून आले. तो सद्यस्थितीत बिहार राज्यातील बावा, अरेराज, मोतिहारी पूर्व चंपारण्य येथे असल्याचे दिसून येत असल्याने स्थानिक आरेराज पोलिसांच्या मदतीने त्यास अटक करण्यात आली.

अधिक गुन्हे उघडकीस येण्याची शक्यता:अटकेतील तीन आरोपींकडून सायबर गुन्ह्याकरिता वापरण्यात आलेल्या विविध बँकेच्या ४० पेक्षा अधिक बँक खात्यांची माहिती प्राप्त झालेली आहे. तसेच आरोपी हे गुन्ह्यात पकडले जाऊ नये म्हणून मूळ वास्तव्य असलेले राज्य सोडून इतर राज्यात जाऊन सायबर गुन्हेगारीकरिता बँक खाती उघडत असल्याचे तपासात दिसून आलेले आहे. प्राप्त बँक खात्याच्या अनुषंगाने अधिक तपास सुरू असून अधिक गुन्हे उघडकीस आणण्याच्या दृष्टीने चौकशी सुरू आहे.

हेही वाचा: