आज दिवसभरात/आजपासून -
- मुंबईच्या विविध ठिकाणी आज 5 दिवसांच्या गणपती बाप्पाचे विसर्जन
- आज राज्यात मुसळधार पावसाची शक्यता
- काही ठिकाणी मुसळधार सरींसह मध्यम, ते जास्त पाऊस पडण्याची शक्यता; नागपूर, वर्धा, भंडारा, गोंदिया, गडचिरोली, चंद्रपूर, यवतमाळ, अमरावती, वाशिम, पालघर, नाशिक, धुळे येथे अलर्ट जारी
- आज राष्ट्रीय हिंदी दिवस
- अकरावी ऑनलाईन प्रवेशाची तिसरी गुणवत्ता यादी सोमवारी जाहीर झाली. गुणवत्ता यादीत नाव आलेल्या विद्यार्थ्यांना 15 सप्टेंबरपर्यंत संबंधित कॉलेजमध्ये जाऊन प्रवेश घ्यावा लागेल.
- गणेशोत्सवासाठी रत्नागिरीत दाखल झालेले चाकरमानी गणपती-गौरी विसर्जनानंतर १४ सप्टेंबरपासून परतीचा प्रवास सुरू करणार आहेत. आतापर्यंत ८४० गाड्या आरक्षित झाल्याची माहिती रत्नागिरी विभाग नियंत्रक सुनील भोकरे यांनी दिली. १४ ते २२ सप्टेंबर कालावधीत जवळपास १५०० गाड्या परतीच्या दिशेने सुटणार आहेत.
- नागपुरात मनपाच्या सर्व लसीकरण केंद्रांवर कोव्हिशिल्डचे 18 व 45 वर्षावरील नागरिकांसाठी लसीकरण सुरू राहिल. तर कोव्हॅक्सिनचे 18 व 45 वर्षावरील नागरिकांसाठी नमूद केंद्रांवर लसीकरण सुरू राहिल.
- बंगालच्या उपसागरात तयार झालेलं कमी दाबाचे क्षेत्र अधिक तीव्र झालं आहे. पुढील ४८ तासात उत्तर ओडीशा, उत्तर छत्तीसगड आणि मध्य प्रदेशातून प्रवास करत पुढे सरकेल. उत्तर कोकण, मध्य महाराष्ट्र आणि विदर्भात आजपासून पुढील चार दिवस काही ठिकाणी अतिवृष्टीचा इशारा देण्यात आला आहे.