आमचं ठरलयं! सगळं समसमान, उद्धव ठाकरेंचे मुख्यमंत्र्यांसमोर सूचक वक्तव्य
मुंबई - आमचं ठरलं असून सगळे समसमान असल्याचे सूचक वक्तव्य शिवसेना पक्षप्रमुख उद्धव ठाकरे यांनी मुख्यमंत्री देवेंद्र फडणवीस यांच्या उपस्थितीत केले. शिवसेनेच्या ५३ व्या वर्धापनदिनानिमित्त आयोजित मेळाव्यात ते बोलत होते. उद्धव ठाकरेंनी केलेल्या या वक्तव्यामुळे शिवसेनेनेसुद्धा मुख्यमंत्री पदावर दावा केल्याची चर्चा राजकीय वर्तुळात रंगू लागली आहे. तसेच मैदान साफ झाले आहे. पण, तंगड्यात तंगड्या घालण्याचा धोका अधिक असल्याचेही उद्धव ठाकरे म्हणाले. वाचा सविस्तर
पुण्यात स्टॅम्प घोटाळा : एकाच कुटुंबातील तिघे गजाआड, 68 लाखाचे स्टॅम्प हस्तगत
पुणे - पोलिसांनी शनिवार वाड्याजवळील लाल महालासमोर असलेल्या कमला कोर्ट या इमारतीमधून तब्बल 68 लाख 38 हजार 170 रुपये किंमतीचे 100 आणि 500 रुपयांचे स्टॅम्प पेपर जप्त केले आहेत. याप्रकरणी एकाच कुटुंबातील तिघांविरुध्द विश्रामबाग पोलीस ठाण्यात फसवणुकीचा गुन्हा दाखल करण्यात आला असून त्यांना अटक करण्यात आली आहे. चिन्मय सुहास देशपांडे (26), सुहास मोरेश्‍वर देशपांडे (59) आणि सुचेता सुहास देशपांडे (54, तिघे रा. 183, कसबा पेठ, पारसनीस वाडा, पुणे) अशी अटक करण्यात आलेल्यांची नावे आहेत. याप्रकरणी पोलीस उपनिरीक्षक विजय विश्‍वनाथ जाधव यांनी फिर्याद दिली आहे. वाचा सविस्तर
कचऱ्याच्या ढिगाऱ्यात आढळली शेकडो आधारकार्ड; मुंब्रा देवारीपाडा येथील घटना