Gold Smuggling Case Mumbai: डीआरआयच्या ऑल इंडिया कारवाईत मुंबईतून 3 जणांना अटक, 8.5 कोटी रुपयांचे सोने जप्त

Gold Smuggling Case Mumbai : महसूल गुप्तचर संचालनालयाने मुंबईत सोने तस्करी (Gold Smugglers seized) करणाऱ्यांवर मोठी कारवाई केली आहे. महसूल गुप्तचर संचालनालयाने केलेल्या कारवाईत 8.5 कोटी रुपयांचे सोनं जप्त करण्यात आले आहे.

मुंबईGold Smuggling Case Mumbai : डीआरआयने पुणे मॅजिक बसमधून पाच किलो सोन्याची बिस्किटे घेऊन जाणारे दोन सोने तस्करांना अटक (Two Gold Smugglers Arrested) केली आहे. डिआरआयच्या ऑल इंडिया कारवाईत मुंबईतून 3 जणांना अटक करण्यात आली आहे. त्यांच्याकडून 8.5 कोटी रुपयांचे सोने जप्त (Gold Smugglers seized) करण्यात आले आहे. डीआरआयने अनेक ठिकाणी केलेल्या कारवाईत सोन्याची तस्करी करणाऱ्या सिंडिकेटच्या आणखी एका टोळीचा पर्दाफाश केला आहे.

8.5 कोटी रुपयांचे सोने जप्त: डीआरआय मुंबई, गोवा प्रादेशिक युनिट आणि वाराणसी पथकांच्या संयुक्त कारवाईमुळे एकूण 13.7 किलो तस्करीचे सोने जप्त करण्यात आले आहे. 8.5 कोटी रुपयांचे सोने जप्त करण्यात आले आहे. या प्रकरणात एकूण ५ जणांना अटक करण्यात आली आहे. अटक केलेल्या आरोपींपैकी ३ जणांना मुंबईत तर २ जणांना वाराणसीत अटक करण्यात आली आहे. या कारवाईअंतर्गत 14 ऑक्टोबरला डीआरआयने 31.7 किलो सोने जप्त केले होते. DRI ने त्याच सिंडिकेटच्या दुसर्‍या टोळीचा पर्दाफाश केला, जी टोळी रेल्वे मार्गाने सोन्याची तस्करी करण्याचा प्रयत्न करत होती.

नागपूरला सोन्याची तस्करी : डीआरआय मुंबईच्या पथकाने पुण्याजवळ बसमधून तस्करीचे सोने घेऊन जाणाऱ्या दोघांना अटक केली. ३० ऑक्टोबरच्या रात्री उशिरा त्यांच्या ताब्यातून तस्करीचे ५ किलो सोने जप्त करण्यात आले. तातडीने कारवाई करत डीआरआयच्या अधिकाऱ्यांनी 31 ऑक्टोबरला पहाटे त्याच्या घराची झडती घेतली. या कारवाईवरून याच सिंडिकेटचे आणखी दोन वाहक वाराणसीहून नागपूरला सोन्याची तस्करी करत असल्याची माहिती मिळाली. ही माहिती डीआरआयने वाराणसीच्या टीमसोबत शेअर केली, त्यावर त्वरीत कारवाई करत दोन तस्करांना रस्त्यात रोखले. त्यामुळे तस्करीचे 8.7 किलो सोने जप्त करण्यात डी आरआयला यश आले आहे.

हेही वाचा -