Devendra Fadnavis Met Raj Thackeray : राज ठाकरेंसोबत भेटीनंतर देवेंद्र फडणवीस म्हणाले...

राज्याचे उपमुख्यमंत्री देवेंद्र फडणवीस यांनी काल रात्री मनसे अध्यक्ष राज ठाकरे यांच्या शिवतीर्थ या निवास्थानी भेट घेतली. मंत्रिमंडळ विस्ताराच्या अगोदर ही भेट झाल्याने अनेक चर्चांना उधाण आले आहे. राज ठाकरे यांचे पुत्र अमित ठाकरे त्याचबरोबर मनसे नेते बाळा नांदगावकर या दोघांपैकी एकाची होणाऱ्या मंत्रिमंडळ विस्तारात वर्णी लागण्याची शक्यता वर्तवली जात आहे.

Devendra Fadnavis Met Raj Thackeray

मुंबई :राज्याचे उपमुख्यमंत्री देवेंद्र फडणवीस यांनी काल रात्री उशिरा मनसे अध्यक्ष, राज ठाकरे यांची त्यांच्या शिवतीर्थ या निवासस्थानी भेट घेतली. या भेटी मधील चर्चा गुलदस्त्यात असली तरी, तब्बल सव्वा तास त्यांच्या चर्चा रंगल्या. राज्यातील सध्याच्या परिस्थितीमध्ये फडणवीस - ठाकरे भेट अतिशय महत्त्वाची मानली जात आहे. परंतु या भेटी विषयी देवेंद्र फडवणीस यांना विचारले असता, राजकीय सोडून इतर सर्व गप्पागोष्टी झाल्या, असा खोचक टोला त्यांनी लगावला आहे.

देवेंद्र फडणवीस यांनी राज ठाकरे यांची भेट घेतली

राजकीय चर्चा सोडून फक्त गप्पागोष्टी :उपमुख्यमंत्री देवेंद्र फडणवीस यांनी काल रात्री अचानक शिवतीर्थावर मनसे अध्यक्ष राज ठाकरे यांची भेट घेतली. मंत्रिमंडळ विस्ताराच्या अगोदर ही भेट झाल्याने अनेक चर्चांना उधाण आले आहे. राज ठाकरे यांचे पुत्र अमित ठाकरे त्याचबरोबर मनसे नेते बाळा नांदगावकर या दोघांपैकी एकाची होणाऱ्या मंत्रिमंडळ विस्तारात वर्णी लागण्याची शक्यता वर्तवली जात आहे. त्या दृष्टिकोनातून ही भेट फार महत्त्वाची मानली जाते. या भेटीबाबत बोलताना, देवेंद्र फडवणीस यांनी राज ठाकरे यांच्यासोबत झालेल्या भेटीत कुठलीही राजकीय चर्चा झाली नसल्याचे म्हटलं आहे. बऱ्याच दिवसापासून भेट होणार होती. अखेर काल मुहूर्त भेटला व आमच्या चर्चा झाल्या. परंतु त्यात राजकीय गप्पागोष्टी झाल्या नसल्याचं त्यांनी सांगितलं आहे.

तुम्ही बातम्या चालवू शकता :या भेटीबाबत अधिक माहिती घेण्याचा पत्रकारांनी प्रयत्न केला असता. या भेटीत राजकीय विषय सोडून इतर विषयांवर फक्त गप्पा झाल्या. इतर कुठल्याही राजकीय चर्चा झाल्या नाहीत. पण तुम्हाला इतर कुठल्या बातम्या चालवायच्या असतील तर त्या तुम्ही चालवू शकता, माझी काहीच हरकत नाही, असेही देवेंद्र फडवणीस म्हणाले आहेत.

संपूर्ण ठाकरे (उबाठा) गट असंतुष्ट :शिंदे गटाचे ९ खासदार व २२ आमदार मंत्रिमंडळ विस्तार होत नाही म्हणून नाराज असून लवकरच ते पुन्हा ठाकरे गटात प्रवेश करतील अशी शक्यता वर्तवली जात आहे. यावर देवेंद्र फडवणीस यांना विचारले असता ते म्हणाले आहेत की, संपूर्ण ठाकरे (उबाठा)गटच असंतुष्ट आहे. केवळ तीन-चार लोकांसाठी हा संपूर्ण पक्ष असंतुष्ट आहे. हे तुम्हाला येणाऱ्या तीन-चार दिवसात दिसेलच असं सूचक वक्तव्य ही फडणवीस यांनी केलं आहे.

ज्याच्या त्याच्या पक्षाचा प्रश्न :एकनाथ शिंदे यांच्या बंडखोरी नंतर राज्यात दोन ठाकरे शिवसेना गट निर्माण झाले आहेत. येत्या १९ जून ला शिवसेनेचा वर्धापन दिन आहे. याप्रसंगी उद्धव बाळासाहेब ठाकरे यांच्या शिवसेनेकडून हा दिवस मोठ्या प्रमाणात साजरा करण्याच ठरवण्यात आले आहे. तर, दुसरीकडे शिंदे गटाकडूनही शिवसेना स्थापना दिवस जोरदार साजरा करण्याची तयारी सुरू करण्यात आली आहे. याबाबत देवेंद्र फडणवीस यांना विचारले असता, हा ज्याचा त्याचा प्रश्न आहे. प्रत्येक पक्षाने आपला स्थापना दिवस कसा साजरा करायचा ते ठरवायचं आहे असे ते म्हणाले.

हेही वाचा -