नवी मुंबई - कळंबोली परिसरातील रोडपाली येथील सेक्टर १६ मधील 'डिंपी ओरिजेन' या इमारतीच्या तिसऱ्या मजल्यावर बुधवारी सिलेंडरचा स्फोट झाला. या स्फोटामुळे इमारत परिसर हादरला.
हेही वाचा - बुधवार ठरला अपघातवार; २ अपघातात तिघे ठार
'डिंपी ओरिजेन' या इमारतीच्या तिसऱ्या मजल्यावरील एक सदनिकेत हा सिलेंडरचा स्फोट झाला. या आगीत घरातील साहित्य जळून खाक झाले. सेक्टर १४, १५, १७ आणि २० मध्येदेखील या स्फोटाची तीव्रता जाणवली. या स्फोटानंतर इमारतींमधील सर्व रहिवाशी रस्त्यावर आले होते.
हेही वाचा - 'एलआयसी'कडूनही विश्वासघात; मुंबईत पॉलिसी धारकाची लाखोंची फसवणूक
घटनेची माहिती मिळताच सिडकोच्या अग्निशमन दलाचे जवान घटनास्थळी पोहोचले. काही तासांच्या प्रयत्नानंतर त्यांनी आग आटोक्यात आणली. दरम्यान, इमारत परिसरातील रस्त्यावर मोठया संख्येने बघ्यांची गर्दी झाली होती. कळंबोली पोलिसांनी घटनास्थळी धाव घेऊन परिसरातील गर्दी पांगवली. या घटनेत कोणत्याही प्रकारची जीवितहानी झाली नसली, तरी वित्त हानी मोठया प्रमाणावर झाली आहे.
