कन्फर्मचा संदेश नसला तरी लसीकरण केंद्रांवर तरूणांची गर्दी, तर लस मिळत नसल्याने 45 वर्षावरील नागरिक संतप्त

मुंबईत 1 मे पासून 18 ते 44 वर्षे वयोगटातील नागरिकांचे लसीकरण सुरू झाले आहे. तर, 45 वर्षावरील नागरिकांना लसीचा पहिला, दुसरा डोस मिळाला नाही. त्यामुळे या वयोगटातील नागरिक लसीकरण केंद्रांवर येऊन परत जात आहेत. परिणामी नागरिकांकडून संताप व्यक्त केला जात आहे.

मुंबई - मुंबईत 1 मे पासून 18 ते 44 वर्षे वयोगटातील नागरिकांचे लसीकरण सुरू झाले आहे. यासाठी ज्यांना मोबाइलवर संदेश आला आहे. त्यांनीच लसीकरणाला यावे, असे आवाहन पालिकेकडून करण्यात आले आहे. मात्र, लसीकरणाचा संदेश आला नसला तरी केंद्रांवर नागरिक गर्दी करत असल्याचे दिसत आहे.

नोंदणी, मोबाइलवर कन्फर्म संदेश असेल तरच लस

मुंबईत 16 जानेवारीपासून कोरोना लसीकरण मोहीम राबवली जात आहे. 1 मे पासून 18 ते 44 वयोगटातील नागरिकांना लस दिली जात आहे. लसीकरणासाठी केंद्र सरकारच्या वेबसाईट आणि कोविन अ‍ॅपवर नोंदणी करणे बंधनकारक आहे. नोंदणीनंतर लसीकरणासाठी मोबाइलवर संदेश येत आहे. या संदेशात लसीकरणाची तारीख आणि वेळ दिली जात असते. असा मोबाइलवर आलेला संदेश घेऊनच लसीकरण केंद्रांवर यावे. ज्या नागरिकांना लसीकरणाचा संदेश आला आहे त्यांनाच लस दिली जात आहे, अशा सूचना मुंबई महापालिकेने केल्या आहेत.

लस मिळत नसल्याने संताप

ऑनलाईन नोंदणी केलेल्या आणि मोबाइलवर कन्फर्मचा संदेश आलेल्यांनाच लस दिली जात आहे. तर, 45 वर्षावरील नागरिकांना लसीचा पहिला, दुसरा डोस मिळाला नाही. त्यामुळे या वयोगटातील नागरिक लसीकरण केंद्रांवर येऊन परत जात आहेत. त्यामुळे नागरिकांकडून संताप व्यक्त केला जात आहे.

हेही वाचा -अविवाहित प्रियकराने केले लग्न, विवाहित प्रेयसीने पती आणि दिराच्या मदतीने काढला काटा

हेही वाचा -कोरोनाबाधितांचे प्रमाण चार ते सहा आठवड्यांत कमी होईल-आयसीएमआर वैज्ञानिक